Ish-ministri i Financave, Arben Malaj, ka reaguar lidhur me protestat qytetare dhe debatin e krijuar pas deklaratave të kryeministrit Edi Rama në nj...
Me thirrjet ‘Rama jep dorëheqjen’, qytetarë të shumtë kanë nisur marshimin në rrugët e Tiranës, në kuad...
BOTA
VIDEO/ Momentet e fundit të gruas 45-vjeçare teksa shkon drejt vrasësit të saj
PiranjatPërditësimi i fundit 23 Qershor 2026, 20:29
Videoja që regjistron lëvizjet e gruas greke, Stavroula Leventaki, teksa shkon të takojë 43-vjeçarin që ka pranuar vrasjen e saj, është publikuar nga ProtoThema.
Në pamjet e regjistruara nga një kamerë sigurie më 30 maj, në orën 16:18, shihet gruaja fatkeqe duke ecur në rrugën përpara shtëpisë që ajo ia kishte dhënë me qira shtetasit nga Maqedonia e Veriut, në zonën e Varypetro, në Chania.
Fillimisht, ajo shfaqet në pamje duke mbajtur disa qese dhe duke ecur drejt hyrjes së banesës, ndërsa lëvizja e saj zgjat rreth një minutë. Stavroula Leventaki përshkon një distancë prej rreth 80 metrash deri te shtëpia ku, sipas rrëfimit të 43-vjeçarit të akuzuar, u krye krimi.
Sendet që ajo mbante me vete u gjetën më vonë brenda banesës. Ajo që bie në sy është se ecja e Stavroulës zgjat afërsisht një minutë dhe më pas gjurmët e saj humbasin. Vetëm pas rrëfimit të autorit të dyshuar, ajo u gjet e vdekur.
Fotografitë nga shtëpia ku humbi jetën 45-vjeçarja
Ndërkohë, detaje të reja po dalin në dritë lidhur me vrasjen e 45-vjeçares Stavroula Leventaki në Kretë, e cila dyshohet se u vra nga 43-vjeçari nga Maqedonia e Veriut.
Fotografitë nga brenda shtëpisë ku ndodhi krimi tregojnë hetimet e kryera nga autoritetet dhe zbulimin e njollave të gjakut nga policia, e cila përdori metodën e njohur si “blue light” (drita blu) për identifikimin e gjurmëve biologjike.
Sipas informacioneve të publikuara nga ProtoThema, gjurmë gjaku të gruas së ndjerë u gjetën edhe në vende ku ndodheshin letra dhe sende personale, çka tregon ashpërsinë e sulmit.
Gjatë kontrolleve në banesë, hetuesit zbuluan gjurmë gjaku në disa ambiente të ndryshme, pavarësisht përpjekjeve të dyshuara për t'i pastruar ato. Sipas hetimeve, autori i dyshuar kishte tentuar të fshihte provat e krimit duke pastruar shtëpinë me leckë, kovë dhe detergjentë.
Megjithatë, ekspertët e Shërbimit Kriminalistik arritën të zbulojnë gjurmët e gjakut duke përdorur metoda të veçanta për identifikimin e materialit biologjik, të njohura si “blue light”, të cilat zbulojnë gjurmë edhe kur më parë janë bërë përpjekje për pastrim. Gjetjet e hetimeve pritet të përbëjnë prova kyçe në dosjen hetimore të çështjes, ndërsa autoritetet po vazhdojnë të shqyrtojnë çdo aspekt të vrasjes së rëndë që ka tronditur komunitetin lokal në Kretë. /PiranjatNews/
