Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
BOTA
VIDEO/ Një shpërthim i fuqishëm ka ndodhur sot në portin më të madh tregtar në Iran, shënohen mbi 500 të palgosur
m.lPërditësimi i fundit 26 Prill 2025, 14:39
IRAN- Një shpërthim i fortë në Iran ka plagosur sot 516 persona, njoftoi agjencia e lajmeve Tasnim. Shpërthimi ndodhi në një port të madh në pjesën jugore të vendit, njoftuan mediat shtetërore, megjithëse nuk dhanë menjëherë detaje për shkakun e katastrofës.
"Një shpërthim i fuqishëm ndodhi në një dok në portin Shahid Rajaee," tha për televizionin zyrtari i autoritetit lokal portual Esmail Malekizadeh.
The video below shows the massive scale of the explanation at the Shahid Rajaee Port in #Iran’s Bandar Abbas pic.twitter.com/hAYm3qmSBO
Ky port i rëndësishëm për tregtinë ndodhet më shumë se një mijë kilometra në jug të Teheranit, pranë qytetit të madh të Bandar Abbas, i cili ka pamje nga ngushtica e Hormuzit dhe, sipas agjencisë zyrtare të lajmeve IRNA, është porti më i madh tregtar i vendit. Më shumë se 70% e mallrave të Iranit kalojnë përmes këtij porti, i cili kufizohet me ngushticën e Hormuzit, nëpër të cilin kalon një e pesta e prodhimit botëror të naftës.
"Incidenti u shkaktua nga shpërthimi i disa kontejnerëve të ruajtur në zonën e portit të portit Shahid Rajai," tha zyrtari i shërbimeve lokale të shpëtimit Mehrad Hassanzadeh për televizionin shtetëror.
Televizioni shtetëror transmetoi pamje që tregonin një re të madhe tymi të zi që ngrihej në qiell nga porti. Një tjetër video e kamerave vëzhguese e transmetuar nga agjencia e lajmeve Mehr tregon një shpërthim në një hangar që shkakton një re të dendur tymi dhe pluhuri. Shpërthimi u dëgjua rreth 50 kilometra larg, sipas agjencisë së lajmeve Fars.
“Vala goditëse ishte aq e fortë sa shumica e ndërtesave të portit u dëmtuan rëndë”, raportoi agjencia e lajmeve Tasnim.
Numri i punëtorëve të pranishëm në momentin e shpërthimit nuk dihet menjëherë. E shtuna është dita e parë e punës e javës në Iran. Kompania kombëtare e shpërndarjes së naftës tha se objektet e naftës nuk ishin dëmtuar dhe po funksiononin normalisht. Shpërthimet e kësaj magnitude janë të rralla në Iran, por vendi ka përjetuar incidente vdekjeprurëse muajt e fundit.
Shtatorin e kaluar, një shpërthim në një minierë qymyri la më shumë se 50 të vdekur. Zëvendëspresidenti i parë i Iranit, Mohammad Reza Aref, urdhëroi një hetim për të përcaktuar shkakun e saktë të incidentit dhe shkallën e dëmit, sipas agjencisë së lajmeve ISNA.
