Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
VIDEO/ Pamjet dramatike të aksidentit hekurudhor. Kamioni bëhet copa nga treni
PiranjatPërditësimi i fundit 31 Tetor 2025, 23:11
Pamjet e kamerave të sigurisë që tregojnë një tren që përplaset në mënyrë dramatike me një kamion në një kryqëzim hekurudhor janë publikuar me shpresën se do të shërbejnë si një paralajmërim për shoferët.
Përplasja ndodhi të enjten në fshatin holandez Meteren, rreth 70 km në juglindje të Amsterdamit. Operatori i trenit ProRail tha se pesë persona pësuan lëndime në aksident - duke shtuar se po publikonte videon për të "parandaluar që kjo të ndodhë përsëri".
200 pasagjerët e trenit u evakuuan dhe u dërguan në stacionin e afërt Den Bosch, raportuan mediat lokale. Në pamjet filmike, një kamion që kalon mbi shina mund të shihet duke u kthyer mbrapsht pasi një makinë afrohet nga drejtimi i kundërt.
Ndërsa shoferi përpiqet ta manovrojë mjetin e tij të rëndë në një vend të sigurt, dritat e kalimit fillojnë të ndizen dhe barrierat fillojnë të ulen - përpara se treni të afrohet me shpejtësi dhe të përplaset në pjesën e pasme të kamionit. ProRail tha se pamjet “tregojnë se sa shpejt mund të shkojnë keq gjërat në një kalim hekurudhor dhe janë tronditëse për t’u parë”.
Një video tjetër e postuar në Instagram tregon përpjekjet e gjera dhe të vazhdueshme të pastrimit për të hequr nga ajo çfarë mbeti nga kamioni përfshirë tonelata dardha nga shinat dhe zona përreth, si dhe dëmet në tren.
