Eduart Mullaj, 55 vjeç nga Delvina, rezulton të jetë personi i plagosur në orët e para të ditës së sotme në Pat...
BOTA
VIDEO/ Planifikuan vrasjen e shokut të klasës, pas arrestimit vajzat qeshin në makinën e policisë dhe ankohen për spiunin
PiranjatPërditësimi i fundit 15 Mars 2026, 11:13
Ky është momenti i trishtuar kur dy nxënëse shkolle u filmuan duke qeshur në pjesën e pasme të një makine policie, pasi u arrestuan për dyshimin se komplotuan për të vrarë një shok shkolle. Isabelle Valdez, 15 vjeç, dhe Lois Lippert, 14 vjeç, nga Altamonte Springs në Florida, u prangosën nga policia në fund të janarit, pas informacioneve në telefon në lidhje me një komplot për vrasje.
Prokurorët thonë se vajzat po planifikonin t’i prisnin fytin një shoku të shkollës ose ta thernin në stomak në banjën e shkollës dhe t’i pinin gjakun. Valdez dyshohet se e pranoi këtë plan pasi policët gjetën një thikë gjatë kontrollit të çantës së saj, sipas një raporti të policisë.
Të dyja vajzat, të cilat janë nxënëse në Shkollën e Mesme, janë akuzuar për disa vepra penale, përfshirë tentativë vrasjeje të rëndë.
Në videon tronditëse nga makina e policisë pas arrestimit të tyre, dyshja mund të shihet duke qeshur, duke u ankuar për “spiunin” që u dërgoi informacionin policëve dhe duke folur për mënyrën se si u përgatitën për fotot e tyre të krimit.
“‘Dude, doja të bëja make-up-in këtë mëngjes për foton e arrestimit, por nuk gjeta asgjë,’ thotë Valdez në video, shkruan The Sun.
Më vonë, Lippert shton: ‘Kjo është një përvojë kaq interesante. E dua këtë.’
Adoleshentet gjithashtu folën për sulmuesit në shkolla dhe për mprehjen e thikës në përgatitje për krimin e pretenduar. /PiranjatNews/
