VIDEO/ Raketa e SpaceX kalon me sukses provën e katërt, i mbijeton për herë të parë rihyrjes në atmosferë

pamje nga ngjarja

SHBA- Kompania SpaceX e Elon Musk po vazhdon me fluturimin e katërt provë të anijes gjigande Starship. Nisja nga Starbase në Teksasin e Jugut nisi në orën 14:20 me orën tonë.

Ngjarja po transmetohet drejtpërdrejtë përmes llogarisë së SpaceX në X, e cila është gjithashtu në pronësi të Elon Musk. Starship është montuar në një raketë përforcuese të fazës së parë të quajtur Super Heavy.

Sipas planit, përforcuesi arriti përsëri në Gji, për të qëndruar pezull mbi ujë. Ky është një hap i madh përpara nga fluturimet e mëparshme testuese kur përforcuesi u shkatërrua gjatë fluturimit.

Gjatë fluturimit anija kozmike do të ndahet nga raketa në atmosferën e sipërme dhe do të vazhdojë udhëtimin e saj në hapësirë. Tre testet e para të Starship u zhvilluan në prill 2023, nëntor 2023 dhe mars të këtij viti.

Fluturimi i parë përfundoi vetëm 4 minuta pas ngritjes, sepse dy fazat nuk u ndanë dhe SpaceX vazhdoi me një shpërthim të kontrolluar. Në testin e dytë i cili zgjati rreth 8 minuta, ndarja e dy fazave doli me sukses.

Testi i tretë zgjati rreth 50 minuta: Starship arriti në orbitë, por u shkatërrua me rihyrjen me shpejtësi supersonike në atmosferën e Tokës, e destinuar për një pikë të paracaktuar në Oqeanin Indian. Ky është qëllimi i testit të katërt të sotëm: Të bëjë anijen kozmike t'i mbijetojë rihyrjes në atmosferë. Destinacioni i Super Heavy, ndërkohë, do të jetë Gjiri i Meksikës.

spacex