Policia hodhi gaz lotsjellës dhe përdori topa uji për të zmbrapsur protestuesit të martën, në ditën e tetë radhazi ...
BOTA
VIDEO shokuese/ Turisti 45-vjeçar del nga hoteli me trupin e minorenes në valixhe
PiranjatPërditësimi i fundit 27 Qershor 2026, 12:38
Një turist 46-vjeçar është arrestuar pasi trupi i një vajze 17-vjeçare u gjet i futur në një valixhe dhe i hedhur pranë shinave të trenit. Simon Carman, 45 vjeç, u arrestua pasi pamjet filmike treguan një burrë që i ngjante atij duke nxjerrë një valixhe të zezë nga një hotel në Tajlandë vetëm pak orë pasi kishte bërë check-in së bashku me adoleshenten Tunchanok Donhomla. Thuhet se Carman e kishte marrë Tunchanok nga zona e prostitucionit “Beach Road” në Pattaya në orët e para të mëngjesit të së enjtes.
Ai u arrestua më vonë po atë ditë, teksa po përpiqej të hipte në një fluturim në aeroportin ndërkombëtar Suvarnabhumi të Bangkokut. Policia nisi një kërkim për Carman pasi u gjet një trup i futur në një valixhe.
Hetuesit identifikuan vajzën si Tunchanok dhe gjurmuan vendndodhjen e saj të fundit, e cila ishte hoteli. Policia kontrolloi pamjet e kamerave të sigurisë (CCTV) dhe pa adoleshenten duke ecur dorë për dore me një burrë, i cili e çoi atë drejt një dhome të regjistruar në emër të Carman-it.
Brenda dhomës, policia gjeti shenja përleshjeje dhe gjak të shpërndarë në dysheme. Pamje të tjera CCTV nga e enjtja treguan Carman duke dalë nga hoteli me një valixhe të zezë. Sipas policisë, ajo valixhe përputhej me çantën ku u gjet trupi i Tunchanok-ut, vetëm 10 minuta larg hotelit. Pamjet video treguan burrin duke ngarë një motor me një valixhe të lidhur në pjesën e pasme.
Ai udhëtoi përgjatë shinave të trenit para se të zhdukej nga kamera për rreth nëntë minuta.
Pamje të tjera të veçanta treguan se ai u kthye në hotel pa valixhen. Turisti australian po merret në pyetje me dyshimin për vrasje, por ai mohon çdo përfshirje. Carman është akuzuar tashmë për “marrjen e një të miture për qëllim të kryerjes së një akti të pahijshëm”, thanë policia.
Sipas autoriteteve, ai kishte shenja gërvishtjesh në krahë dhe në qafë kur u arrestua.
Shefi i policisë, Anek Sarathongyu, tha: “Ne besojmë se ai e vrau atë dhe po merret në pyetje me dyshimin për vrasje.”
Koloneli i policisë Sarathongyu shtoi: “Viktima shkoi në dhomën e hotelit me të dyshuarin, por nuk u pa duke dalë. “Më pas, australiani doli me një valixhe. “Viktima u gjet e vdekur brenda të njëjtës valixhe. Ajo ishte plotësisht e zhveshur. “Kamerat tregojnë se askush tjetër nuk hyri në dhomë. Kishte shenja përleshjeje brenda. “Edhe pse i huaji mohon vrasjen, ne nuk e besojmë. Provat që ai e ka vrarë janë jashtëzakonisht të forta.” /PiranjatNews/
