Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
BOTA
Vrasja barbare e 10-vjeçares në Londër/ I ati rrëfen si e vrau vajzën e tij: E mbyta duke e rrahur
E.DPërditësimi i fundit 14 Tetor 2024, 22:01
LONDËR- Detaje tronditëse janë zbulua rreth vdekjes së 10-vjeçares Sara Sharif, e cila vdiq në kushte të tmerrshme dhe brutale. Sara kishte pësuar lëndime të shumta, përfshirë fraktura në disa pjesë të trupit, djegie dhe shenja kafshimi. Familja e Sarës, përfshirë babain e saj Urfan Sharif, që ndodhet në arrati në Pakistan, është akuzuar për përfshirje në vrasjen e saj.
Urfan dyshohet se ka bërë një telefonatë të frikshme në emergjencë, duke pranuar se kishte rrahur vajzën e tij, por duke thënë se nuk kishte qëllim ta vriste. Një shënim i gjetur pranë trupit të saj sugjeronte se ai ishte i frikësuar dhe po ikte nga përgjegjësia.
“Unë jam Urfan Sharif që vrava vajzën time duke e rrahur. E dënova ligjërisht dhe ajo vdiq. Betohem në Zot qëllimi im nuk ishte ta vrisja," tha ai.
Dëshmitarët në gjykatë kanë thënë se Sara kishte pësuar një “fushatë brutale” dhune për javë të tëra, dhe lëndimet e saj ishin një dëshmi e qartë e abuzimit të vazhdueshëm. Prokurori tha se Sara ishte viktimë e një skenari të tmerrshëm dhe se për çdo lëndim të saj, është e vështirë të besohet se asnjë nga anëtarët e familjes nuk e kishte ditur se çfarë po ndodhte.
Rasti ka shkaktuar reagime të mëdha në opinionin publik dhe një hetim të thellë për të kuptuar se si një fëmijë mund të ishte i ekspozuar ndaj abuzimit të tillë. Hetimi pritet të vazhdojë për disa ditë, me shpresën për të sjellë drejtësi për Sara-n dhe për të zbuluar plotësisht rrethanat e kësaj tragjedie.
