Vrau 18-vjeçaren në Itali pasi nuk pranoi të martohej, arrestohet pas tre vitesh arrati nëna e dënuar me burg të përjetshëm, u kap në Pakistan

Viktima

PAKSITAN- Policia në Pakistan ka arrestuar një grua pasi ajo akuzohet për vrasjen e vajzës së saj adoleshente pas tre vitesh kërkim. Një gjykatë në Itali, ku vajza u vra në vitin 2021 , e dënoi Nazia Sahin në mungesë me burgim të përjetshëm dhjetorin e kaluar.

Shaheen dhe burri i saj, Shabar Abbas, vranë vajzën e tyre 18-vjeçare Shaman, kur ajo refuzoi të bënte një martesë me një person që kishin vendosur ata. Pas vrasjes të dy më pas u larguan nga vendi. Abbas u gjurmua dhe u ekstradua nga Pakistani në gusht 2023. Megjithatë, 51-vjeçarja Shaheen i kishte shpëtuar arrestimit.

Ajo u pa këtë javë në një fshat në kufirin e Kashmirit në një operacion që përfshin Interpolin dhe policinë federale të Pakistanit, thanë burimet për agjencinë italiane të lajmeve Ansa. Ajo u paraqit në gjykatë të premten në kryeqytetin pakistanez, Islamabad, për procedurat e ekstradimit në Itali.

Vrasja e Shaman Abbas nga familja e saj në fund të prillit 2021 tronditi Italinë. Adoleshentja kishte emigruar me familjen nga Pakistani në vitin 2016. Kur prindërit e saj morën vesh se ajo po dilte me dikë, prindërit e saj në vitin 2020 donin të udhëtonin në Pakistan për një martesë të detyruar, por vajza nuk pranoi. Ajo kaloi disa muaj duke jetuar nën mbrojtjen e shërbimeve sociale, por u kthye në shtëpinë e familjes shtatë muaj më vonë kur prindërit e saj e mashtruan.

Prokurorët thanë më vonë se vajza ishte zhdukur që atëherë. Trupi i Shaman Abbas u gjet përfundimisht në nëntor 2021, pranë një shtëpie ferme jo shumë larg vendit ku banonte familja, pasi xhaxhai i saj zbuloi se ku ishte varrosur. Një autopsi tregoi se ajo kishte pësuar një thyerje të klavikulës, ndoshta si pasojë e mbytjes.

vrasje itali