Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
BOTA
Vritet në banesën e tij në Iran, lideri kryesor i Hamasit, Ismail Haniyeh
r.llPërditësimi i fundit 31 Korrik 2024, 07:46
ismail haniyeh
IRAN- Udhëheqësi më i lartë politik i Hamasit, Ismail Haniyeh është vrarë në Iran, ka konfirmuar grupi. Garda Revolucionare e Iranit tha se Haniyeh dhe një nga truprojat e tij u “vranë” në kryeqytetin Teheran, njoftuan mediat shtetërore iraniane, shkruan Sky News.
Në një deklaratë, Hamasi tha se ai u vra në “një sulm të pabesë sionist në rezidencën e tij në Teheran”. Vrasja është një “akt frikacak që nuk do të mbetet i pandëshkuar”, citoi televizioni Al-Aqsa i drejtuar nga Hamas, të ketë thënë zyrtari i lartë i Hamasit, Moussa Abu Marzouk.
Haniyeh ishte në Iran për të marrë pjesë në ceremoninë e betimit të presidentit të ri të vendit, Masoud Pezeshkian. Garda Revolucionare tha se shkaku i vdekjes së tij ishte nën hetim dhe do të njoftohej së shpejti. Hamasi më vonë tha se Haniyeh u vra në një sulm ajror dhe fajësoi Izraelin.
Askush nuk e mori menjëherë përgjegjësinë për vdekjen, por Izraeli ishte zotuar të vriste Haniyeh dhe udhëheqës të tjerë të Hamasit pasi grupi sulmoi Izraelin më 7 tetor, duke vrarë 1200 njerëz dhe duke marrë peng 250 të tjerë.
Më shumë se 39,360 palestinezë janë vrarë dhe më shumë se 90,900 të plagosur që nga fillimi i luftës, sipas ministrisë së shëndetësisë të drejtuar nga Hamasi në Gaza, e cila nuk bën dallime midis civilëve dhe luftëtarëve.
