Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Washingtoni dhe Kievi bien dakord për armëpushimin/ Ukraina: Ja cili është kushti që vendos Putin për ta pranuar
m.lPërditësimi i fundit 18 Mars 2025, 16:00
RUSI- Pezullimi i të gjitha dërgesave të armëve në Ukrainë gjatë armëpushimit duket të jetë një kusht që Vladimir Putin po vendos për të pranuar armëpushimin që Uashingtoni ra dakord me Kievin në Arabinë Saudite. Konkretisht, sipas një raporti, udhëheqësi rus, i cili u takua me një të dërguar të Donald Trump javën e kaluar, ka vendosur ndërprerjen e furnizimeve me armë si kusht për nënshkrimin e armëpushimit.
Vihet re se qëllimi i Rusisë është të ndalojë dërgesat e armëve nga të gjitha vendet në Ukrainë. Megjithatë, duket se do të ndërpritet vetëm ndihma amerikane.
Zyrtari i lartë evropian shtoi se Evropa ishte jashtëzakonisht ngurruese për të rënë dakord me kërkesën e Rusisë për të bllokuar dërgesat e armëve në Ukrainë nga aleatët e saj. Arsyeja është se një lëvizje e tillë është e rrezikshme për Ukrainën, pasi Rusia do të mund të riarmatosej gjatë ndërprerjes së armiqësive, ndërsa Ukraina do të pengohej, shtoi i njëjti zyrtar.
Ky informacion vjen pasi presidentët Vladimir Putin dhe Donald Trump do të kenë një bisedë telefonike për të biseduar për zgjidhjen e konfliktit në Ukrainë. Në fakt, zëdhënësi i Kremlinit Dmitry Peskov deklaroi se tashmë ka njëfarë mirëkuptimi mes dy liderëve, bazuar në bisedën telefonike që ata patën më 12 shkurt dhe kontaktet e mëpasshme të nivelit të lartë mes dy vendeve.
"Por ka gjithashtu një numër të madh pyetjesh në lidhje me normalizimin e mëtejshëm të marrëdhënieve tona dypalëshe dhe zgjidhjen në Ukrainë. Dhe e gjithë kjo duhet të diskutohet nga dy presidentët”, tha Peskov.
