Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
BOTA
Zbulohen komplote të Rusisë kundër mbështetësve të Ukrainës në Evropë, ndaj kujt ishte planifikuar në Gjermani
r.llPërditësimi i fundit 12 Korrik 2024, 21:57
Armin Papperger, shefi ekzekutiv i kompanisë së mbrojtjes në Gjermani, Rheinmetall.
UKRAINË- Agjencitë perëndimore të inteligjencës kanë zbuluar komplote ruse për të kryer vrasje, zjarrvënie dhe sabotime të tjera në Evropë kundër kompanive dhe njerëzve të cilët e mbështesin ushtrinë e Ukrainës, tha një zyrtar qeveritar perëndimor. Rusia nganjëherë ka rekrutuar kriminelë të zakonshëm në vendet e huaja për t’i kryerë sulmet, tha zyrtari, i cili foli në kushte anonime.
Një komplot i madh, që u zbulua së voni, e kishte në shënjestër Armin Pappergerin, shefin ekzekutiv të kompanisë së mbrojtjes në Gjermani, Rheinmetall, tha zyrtari.
Ai nuk dha hollësi për komplotet e tjera, për të cilat për herë të parë raportoi CNN. Shtetet e Bashkuara e kishin njoftuar Gjermaninë për komplotin dhe kjo ua kishte mundësuar agjencive të sigurisë ta mbronin Pappergerin dhe kështu të dështonte komploti kundër tij.
Rheinmetall është furnizues i madh i teknologjisë ushtarake dhe i predhave të artilerisë në Ukrainë, e cila është duke luftuar për t’i zmbrapsur forcat ruse. Kjo kompani e hapi muajin e kaluar një objekt për mirëmbajtjen e autoblindave dhe riparimin e tyre në perëndim të Ukrainës dhe synon ta fillojë prodhimin brenda Ukrainës. Zëdhënësja e Këshillit amerikan të Sigurisë Kombëtare, Adrienne Watson, nuk deshi të komentojë për komplotin e dyshuar për ta vrarë Pappergerin, por tha se veprimet e Rusisë nuk mund të ndikojnë në mbështetjen e aleatëve për Ukrainën.
“Ne kemi qenë të qartë se veprimet e Rusisë nuk do t’i frenojnë aleatët për vazhdimin e mbështetjes për Ukrainën”, tha ajo.
Ministria e Brendshme e Gjermanisë nuk mund të komentojë “në rastet e kërcënimeve individuale”, tha zëdhënësi i kësaj ministrie, Maximilian Kall, por shtoi se “ne e marrim shumë seriozisht kërcënimin e rritur dukshëm të agresionit rus”.
“Ne e dimë se regjimi i [presidentit rus Vladimir] Putin dëshiron, mbi të gjitha, ta minojë mbështetjen tonë për Ukrainën, e cila po mbrohet kundër luftës agresore ruse, por Qeveria gjermane nuk do të frikësohet”, tha ai.
Zyrtarët evropianë, të mbledhur në samitin e NATO-s në Uashington këtë javë, folën për ballafaqimin me përshkallëzimin e sulmeve “hibride”, për të cilat ata i fajësojnë Rusinë dhe aleatët e saj. Në prill, hetuesit gjermanë i arrestuan dy burra ruso-gjermanë nën dyshimin për spiunazh, njëri prej të cilëve akuzohet se u pajtua të kryente sulme ndaj shënjestrave të mundshme, përfshirë ndaj objekteve ushtarake amerikane, me shpresën se do të ndikonte në sabotimin e ndihmës për Ukrainën. Gjermania është bërë furnizuesja e dytë më e madhe e armëve në Ukrainë, pas Shteteve të Bashkuara, prej se Rusia e nisi pushtimin e Ukrainës në shkurt 2022. Zëdhënësi i Kremlinit, Dmitry Peskov, i hodhi poshtë raportimet për komplotin për ta vrarë Rappergerin./REL
