Situata e zjarreve në vend vijon të jetë problematike, me 27 vatra të raportuara gjatë 24 orëve të fundit.
Tre vatra mbete...
BOTA
Zhvendoset statuja gjigande e Marilyn Monroe, vendasit: Është ofenduese ndaj muzeut, fëmijët shohin të pasmet e saj kur kalojnë...
S.BPërditësimi i fundit 8 Gusht 2024, 18:17
Marilyn Monroe
SHBA- Pas vitesh polemikash dhe një beteje të stërzgjatur ligjore, një pjesë e skenës turistike të Palm Springs do të zhvendoset. Statuja prej 8 metrash e lartë e Marilyn Monroe, ka zemëruar vendasit dhe vizitorët. Ajo aktualisht qëndron në buzë të Downtown Park, me Monroe përballë Muzeut të Artit Palm Springs dhe pikërisht vendndodhja e saj është marrë si ofendim ndaj muzeut.
Statuja do të vendoset në një “lokacion që do të përcaktohet në Parkun Downtown", tha në një deklaratë kryetari i bashkisë së Palm Springs, Jeffrey Bernstein. “Këshilli Bashkiak është shumë i kënaqur që ka gjetur një zgjidhje të kënaqshme për këtë çështje, e cila ka ndarë kaq shumë brenda komunitetit tonë.”
Statuja nuk do të lëvizë larg: parku shtrihet vetëm 1,5 hektarë dhe statuja do të vendoset brenda kufijve të saj. Trina Turk, një stiliste, ishte ndër ato që udhëhoqi përpjekjet për zhvendosjen e statujës.
Faqja GoFundMe e administruar nga Turk, e cila mblodhi më shumë se 115,000 dollarë për të lobuar qytetin për të lëvizur statujën, shprehu optimizëm të kujdesshëm për vendimin në një postim të fundit. Statuja u largua nga Palm Springs në 2014 përpara se të kthehej në 2021.
Në debatin mbi vendosjen e statujës në vitin 2021, Drejtori Ekzekutiv i Muzeut të Artit të Palm Springs, Louis Grachos i tha këshillit se vizitorët e muzeut, veçanërisht nxënësit e shkollës, shikonin të pasmet dhe të brendshmet e Marilyn-it gjatë rrugës për në muze.
Statuja e aktores së ndjerë përshkruan skenën e famshme të fustanit të bardhë nga filmi "The Seven Year Itch" i vitit 1955.
