'Gruaja më e kërkuar në New York'/ Policia e shpalli në kërkim me një 'foto sensuale' që mori shumë vëmëndje, në pranga 34-vjeçarja për vjedhje

SHBA- Gruaja më e kërkuar në Nju Jork ditët e fundit është bërë 34-vjeçarja Lucy Laura, jo për krimin që kreu, por për foton që NYPD zgjodhi për ta gjetur. Në kornizën e posterit të Departamentit të Policisë së Nju Jorkut, bie në sy busti mbresëlënës i 34-vjeçares.

Laura, e cila akuzohet se ka tentuar të vjedhë unazën e fejesës së ish-partneres të vëllait të saj, u arrestua më në fund të mërkurën. Sipas New York Post, 34-vjeçarja ishte ajo që i tha vëllait të saj 38-vjeçar t’ia merrte unazën ish-it të tij gjatë një grindjeje.

Sipas raportit, 38-vjeçari i kapi dorën ish-it të tij dhe u përpoq, pa sukses, të tërhiqej, megjithatë, duke i dëmtuar gishtat gruas. Pastaj, dyshohet se ai e shtyu atë, duke i shkaktuar viktimës dhimbje në ije. Siç u bë e ditur, 34-vjeçarja nuk kishte pasur probleme të mëparshme me ligjin, ndërsa vëllai i saj ishte arrestuar edhe tre herë të tjera.

Megjithatë, ajo që nuk është sqaruar është se ku oficerët e NYPD-së e gjetën foton kontroverse të 34-vjeçares.