Ka përfunduar protesta e 50-të radhazi e qytetarëve para godinës së Kryeministrisë në Tiranë, ku pjesëmarrës...
SOCIALE
Adidas heq dorë nga fushata me Bella Hadid, shkak reagimet e ashpra lidhur me origjinën e saj
S.BPërditësimi i fundit 19 Korrik 2024, 16:15
Bella Hadid
SHBA- Brandi i njohur sportiv “Adidas” ka hequr dorë nga fushata me modelen Bella Hadid pas reagimit të ashpër. Kompania njoftoi se do të "rishikojë" reklamën e saj të fundit, e cila e paraqiste modelen për të nderuar përvjetorin e 52-të të Lojërave Olimpike të Mynihut.
Gjatë Lojërave Verore të vitit 1972, 11 atletë izraelitë dhe një polic gjerman u vranë nga një grup militant palestinez. Adidas kërkoi falje për referencën "e paqëllimshme" të sulmit terrorist në një deklaratë.
“Ne jemi të vetëdijshëm se janë krijuar lidhje me ngjarje tragjike historike – megjithëse këto janë krejtësisht të paqëllimshme – dhe kërkojmë falje për çdo shqetësim të shkaktuar” tha marka.
“Si rezultat ne po rishikojmë pjesën e mbetur të fushatës. Ne besojmë në sportin si një forcë bashkuese në mbarë botën dhe do të vazhdojmë përpjekjet tona për të mbrojtur diversitetin dhe barazinë në çdo gjë që bëjmë.”
Reklama u lançua të enjten, me foto që tregonin 27-vjeçaren duke buzëqeshur teksa mbante lule dhe tregonte këpucët e saj rozë dhe të kuqe. Fotot e Hadid, e cila ka qenë një mbështetëse e zëshme e Palestinës në mes të luftës Izrael-Hamas, duke modeluar atletet janë hequr nga platformat e mediave sociale të Adidas, por mbeten në faqen e tyre të internetit.
Komiteti Hebre Amerikan e kritikoi kompaninë të enjten për përfshirjen e Hadid në xhirime. Fushata erdhi dy muaj pasi Hadid kishte veshur një fustan vintage keffiyeh, frymëzuar nga shamia tradicionale arabe, në Festivalin e Filmit në Kanë.
Hadid është gjysmë palestineze, pasi babai i saj, Mohamed Hadid, lindi në Nazaret në vitin 1948 - në të njëjtin vit kur 750,000 palestinezë u zhvendosën nga shtëpitë e tyre - dhe u bë refugjat në Siri.
