Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
SOCIALE
Ankandi online 'Këndvështrimi Bashkëkohor'/ Vepra nga artistë kryesorë të nënshkruara prej Martha Stewart do të dalin në shitje
m.lPërditësimi i fundit 1 Maj 2025, 12:22
SHBA- Martha Stewart i shtoi një tjetër titull CV-së së saj, teksa mori rolin e kuratores së artit në ankandin online, i cili u lançua disa ditë më parë në platformën Joopiter të Pharrell Williams. I titulluar “Këndvështrimi Bashkëkohor”, ankandi paraqet afërsisht 50 vepra nga artistë kryesorë bashkëkohorë që përqendrohen te forca, rritja dhe rilindja.
Filloi më 28 prill dhe do të përfundojë më 6 maj, duke shënuar ankandin e parë të artit bashkëkohor në platformë, pas shitjeve të koleksioneve nga Kim Jones, Kid Candy dhe Nigo.
"Koleksioni 'Contemporary Take' përmban vepra nga artistë bashkëkohorë të dashur, disa prej të cilëve i njoh personalisht. Ky ankand është një mundësi unike për të filluar koleksionin tuaj ose për të pasuruar një ekzistues. Është emocionuese që platforma po lançon një iniciativë të tillë dhe jam e emocionuar që kam kuruar një koleksion veprash që i dua", tha Stewart në një deklaratë.
Midis emrave mbresëlënës të artistëve pjesëmarrës, spikat Amy Sherald me një serigrafi të një portreti të vetes që e pikturoi në vitin 2023, Hank Willis Thomas me veprën "Abstraksion", Adrian Genier me kolazhin mbresëlënës "Syri pa Kapak" (2016–17), si dhe Anish Kapoor dhe Jenny Holzer. Në qendër të ankandit është vepra "Bark Scraper" nga Lynette Yadom-Boaki nga Gana. Vërehet se ajo u bë artistja e parë me ngjyrë që u nominua për Çmimin Turner në vitin 2013, çmimi më prestigjioz i artit në Britani.
“Jemi të emocionuar që po sjellim në treg këtë përzgjedhje të jashtëzakonshme projektesh. Është një privilegj të bashkëpunoj me Martha Stewart, shija e rafinuar e së cilës pasqyrohet në këtë koleksion”, tha John Auerbach, Drejtor Ekzekutiv i platformës.
Tetorin e kaluar, dokumentari "Martha" u shfaq premierë në Netflix, i cili nxori në dritë momente nga jeta dhe karriera e gurusë amerikane të stilit të jetesës. Filmi zbuloi momente të papritura, siç ishte incidenti ku, e magjepsur nga shkëlqimi arkitektonik i Katedrales së Firences, ajo ndau një puthje me një të panjohur. Ai aktualisht shërben si gjyqtar në reality show-n e gatimit të NBC-së, "Yes Chef!".
