Arrestimi i Noizyt/ Stresi i kërkon ndihmë “armikut” të tij politik: Edi Rama dil fol pak për shokun tonë! Për fushata ju duhet Zini tani nuk flisni...

foto ilustruese

TIRANË- Reperi i njohur Stresi ka reaguar sërish ditën e sotme me një instastory lidhur me arrestimin e Noizyt. Kësaj here Stresi i drejtohet “armikut” të tij politik, duke i kërkuar ndihmë në zgjidhjen e këtij problemi.

Reperi i kërkon kryeministrit të flasë lidhur me mikun e tyre Noizyn sepse sipas tij arrestimi është i padrejtë. Stresi përmend emrin e ministres së Drejtësisë së Kosovës, Albulena Haxhiu dhe thotë se urdhërarrestet janë teka të sajat.

“@ediramaal dil fol pak për shokun tonë, sepse është e padrejtë çdo gjë? Kaq kollaj qenka se çohet Albulena i teket asaj për një ngatërresë clubi dhe lëshon urdhër ndërkombëtarë.” shkroi reperi.

Stresi

Në një tjetër instastory Stresi sqaron deklaratën e tij të fundit ndaj Ramës. Sipas postimit, reperi thotë se ju drejtua Ramës për faktin se Noizyn e përdorin për fushata por kur bëhet fjalë për arrestime nuk flasin për ti dalë në mbrojtje.

Stresi etiketon portalet si kazanë duke thënë se nuk e nxjerrin dot zbuluar, si dhe shprehet se dashuria ndaj Berishës do jetë deri në fund të jetës së tij.

Stresi

Ndërkohë Stresi është ende në kërkim nga autoritetet kosovare për dhunë. Noizy akuzohet se ka ushtruar dhunë ndaj personazhit të njohur të TikTokut Medi Iseni.

Ngjarja ndodhi më 2 gusht të këtij viti në një lokal në Pejë, dhe Medi Iseni akuzoi Noizyn dhe Stresin se ishin ata të cilët e dhunuan dhe e futën në kurth. Tiktokeri mohon të ketë pasur ndonjë problem personal me Noizyn.

noizy stresi edi rama

Galeria fotografike (

)