Bebe Rexha viziton për herë të parë Kosovën, zbulon se do të shkojë me prindërit edhe në Dibër: Kemi një rast syneti...

Bebe Rexha

KOSOVË- Këngëtarja me origjinë shqiptare Bebe Rexha ka mbërritur ditën e sotme në Kosovë, disa ditë para performancës së saj në festivalin Sunny Hill. Bebe me të zbritur nga avioni, u shfaq tejet e emocionuar para kamerave.

“Jam shumë e emocionuar që jam këtu” u shpreh Bebe. “Sapo zbrita por jam e sigurt që do të kaloj shumë mirë. Kam disa surpriza dhe është e rëndësishme për mua që të përfshij edhe kulturën time.”

Në një moment Rexha flet shqip ku thotë konkretisht: Mezi po pres, jam e emocionuar. Shiko babin e kam nga Dibra dhe mamin nga Gostivari dhe unë nuk flas si ju, sepse ju flisni në gjuhë letrare. Kur flas shqip më vjen pak turp t’ju them të drejtën.

Duke mos harruar dhe origjinën e saj, Bebe tha se gjatë qëndrimit disa ditor në Kosovë, ka në plan të vijë edhe në Shqipëri për të vizituar Dibrën.

“Kushëriri im ka syneti, prandaj do të shkoj për dy deri në tre ditë atje.” tha duke qeshur Rexha.

Bebe pritet të dhurojë një perfomancë elektrizuese siç ka bërë në çdo skenë ndërkombëtare. Sunny Hill Festival do të zhvillohet këtë vit në Kosovë, në Bërnicë të Poshtme nga 25 deri më 28 korrik.

bebe rexha sunny hill