Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
SOCIALE
Dhjetëra filma të suksesshëm dhe fitues i disa çmimeve Oscar/ Denzel Washington shpjegon pse nuk e quan veten aktor hollivudian
m.lPërditësimi i fundit 24 Mars 2025, 18:25
SHBA- Denzel Washington shpjegoi pse nuk e konsideron veten një aktor hollivudian, duke folur në CBS Sunday Morning më 23 mars.
“Cili është përkufizimi i një aktori hollivudian? Unë jam nga Mount Vernon, kështu që jam një aktor i Mount Vernon. Nuk e di se çfarë do të thotë Hollywood, ndoshta është dikush i famshëm nga filmat? Një aktor me sukses në film? Unë jam një aktor teatri që bëj edhe filma," tha aktori fitues i çmimeve.
Uashingtoni shpjegoi se ai mësoi aktrimin në skenë, jo në xhirime: Teatri është mediumi i aktorit. Ngrihet perdja dhe askush nuk mund t'ju ndihmojë. Kinemaja është mediumi i regjisorit; ti e xhiron skenën, pastaj e prenë, shtojnë muzikën dhe gjithçka tjetër.
Aktori 70-vjeçar e filloi karrierën e tij në shfaqjet skenike përpara se të bënte debutimin e tij në film në vitin 1981 në filmin komedi-dramë Carbon Copy. Që atëherë, ai ka luajtur në dhjetëra filma të suksesshëm dhe është nderuar me dy Oscar, për interpretimet e tij në Glory dhe Training Day.
Ai gjithashtu është nominuar për Oscar për filmat Cry Freedom, Malcolm X, The Hurricane, Flight, Fences, Roman J. Israel, Esq. dhe Tragjedia e Makbethit. Uashingtoni po kthehet aktualisht në Broadway, duke luajtur në ringjalljen e Othello në Teatrin Ethel Barrymore, së bashku me Jake Gyllenhaal.
Duke folur për shfaqjen e Shekspirit, ai komentoi në shfaqje: Shumica e njerëzve thonë 'është një histori për xhelozinë, për tradhtinë'. Jo. Bëhet fjalë për dy ushtarë që i besojnë njëri-tjetrit jetën e tyre.
Uashingtoni e ka refuzuar vazhdimisht etiketën "Ylli i Hollivudit." Në një intervistë të mëparshme me The Talks në 2012, ai tha: Unë jam një aktor. Më quajnë yll, por nuk jam ky. Para së gjithash, unë jam njeri. Profesioni im është aktrimi.
Përsa i përket nëse e shqetëson përshkrimi yll i filmit, ai është përgjigjur: Unë jam aktor me stërvitje. Çfarëdo që njerëzit thonë për mua, është në rregull. Por unë nuk shkoj rrotull duke thënë; Unë jam një yll filmi, më sill makinën time. Unë jam thjesht një argëtues.
