"Diçka nuk shkon"/ Policia publikon pajmet nga shtëpia e Gene Hackman dhe Betsy Arakawa kur u gjetën të vdekur (VIDEO)

SHBA- Policia e kontesë Santa Fe në Nju Meksiko ka publikuar pamjet e kamerës së trupit të policëve që mbërritën në shtëpinë e Gene Hackman dhe Betsy Arakawa më 26 shkurt, ditën kur çifti u gjet i vdekur. Videot, të cilat u publikuan më 21 mars, janë modifikuar pjesërisht për arsye privatësie dhe nuk përfshijnë pamje nga brenda shtëpisë. Pamjet tregojnë momentet e para kur oficerët e policisë mbërrijnë në banesë, duke folur me dëshmitarët që shprehin shqetësimin e tyre. 

“Diçka nuk shkon, diçka nuk shkon”, dëgjohet të thotë një dëshmitar.

Sipas asaj që është regjistruar, kalimtarët kanë qenë të ngarkuar emocionalisht teksa kanë përshkruar në polici atë që kanë parë: Kam ecur kështu dhe pashë diçka të shtrirë atje dhe befas shoh këtë, të dy. Më falni, thotë një dëshmitar okular i tronditur.

Autoritetet kanë njoftuar se edhe pse trupat u gjetën më 26 shkurt, vdekjet kishin ndodhur shumë më herët. Kryeekzaminuesi mjekësor i Nju Meksikës, Dr. Heather Jarrell, konfirmoi se Hackman vdiq nga sëmundjet e zemrës dhe sëmundja e avancuar e Alzheimerit, ndërsa gruaja e tij iu nënshtrua formës pulmonare të hantavirusit, një infeksion i rrallë i transmetuar nga brejtësit.  

“Ai ishte në faza të avancuara të Alzheimerit dhe ka shumë mundësi që ai të mos e kishte kuptuar që gruaja e tij tashmë kishte vdekur”, tha Jarrell në një konferencë për shtyp më 7 mars.

Autoritetet kishin përcaktuar se vdekja e Arakawa ishte më 11 shkurt, por të dhënat telefonike të zbuluara më 17 mars tregojnë se telefonatat u bënë nga celulari i saj më 12 shkurt në një klinikë mjekësore, duke ngritur pyetje të reja. Në shtëpi, oficerët e policisë gjetën qenin e tyre të vdekur në një kafaz, pasi kishte vdekur nga uria dhe dehidratimi . Dy qen të tjerë u gjetën të gjallë në vendngjarje.

Videoja e kamerës së trupit regjistron gjithashtu një bisedë telefonike midis policisë dhe vajzës së Hackman, Elizabeth, e cila kërkoi që qeni të digjej dhe të varrosej pranë Betsy.  

"Nëse ai mban një zinxhir, a mund ta mbani atë për mua?", pyet ajo e prekur, sipas fragmentit.

Më 11 mars, familja paraqiti një kërkesë ligjore për të penguar publikimin e fotove dhe videove të kufomave, ambienteve të brendshme të shtëpisë dhe qenit të ngordhur. Gjyqtari ka urdhëruar ndalimin e përkohshëm të publikimit të materialit ndërkohë që çështja është duke u shqyrtuar.

Rasti i Gene Hackman dhe gruas së tij vazhdon të tronditë opinionin publik në SHBA, jo vetëm për shkak të tragjedisë së ngjarjes, por edhe për shkak të shumë pyetjeve pa përgjigje që rrethojnë ditët e fundit të jetës së tyre.

gene hackman dhe betsy arakawa