Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
SOCIALE
Drama sportive që bashkon aktorët Dwayne Johnson dhe Emily Blunt/ Publikohet traieri i shumëpritur i 'The Smashing Machine'
m.lPërditësimi i fundit 30 Prill 2025, 10:27
SHBA- Një trailer i parë dhe shumë mbresëlënës është publikuar për "The Smashing Machine", dramën sportive të A24 që ribashkon Dwayne Johnson dhe Emily Blunt. Sipas Guardian, filmi pritet të shfaqet premierë në kinematë amerikane më 3 tetor.
"The Rock" transformohet në atletin legjendar të MMA-së (Arteve të Përziera Marciale) dhe kampionin dy herë të UFC-së (Ultimate Fighting Championship), Mark Kerr, në një film të frymëzuar nga dokumentari i vitit 2002 me të njëjtin emër. Filmi pritet të hedhë dritë mbi karrierën e trazuar të Kerr, plot me çmime dhe medalje, por edhe mbi betejën e vështirë që ai zhvilloi me varësinë.
Në krah të Johnson është Emily Blunt, e cila luan partneren e atletit. Protagonistët kishin bashkëpunuar përsëri në vitin 2021 në aventurën e Disney-t, "Jungle Cruise", ndërsa herën tjetër do të bashkojnë forcat me Leonardo DiCaprio-n në një thriller të ri policor nga Martin Scorsese.
"Benny dëshiron të krijojë dhe vazhdon të shtyjë kufijtë kur bëhet fjalë për histori të papërpunuara dhe reale, personazhe autentikë që janë autentikë dhe që nganjëherë janë shqetësues dhe tërheqës. Jam në një pikë të karrierës sime ku dua ta shtyj veten në mënyra që nuk i kam bërë më parë. Jam në një pikë ku dua të bëj filma që kanë rëndësi, që eksplorojnë natyrën njerëzore, luftën dhe dhimbjen", tha Johnson në një intervistë të mëparshme me Variety.
Kasta plotësohet nga Lindsay Gavin, Ryan Bader, Satoshi Ishii dhe Oleksandr Usyk. Skenari dhe regjia janë nga Benny Safdie, i njohur për bashkëpunimet e tij të suksesshme me vëllain e tij në produksionet "Good Times" dhe "Uncut Gems". "Makina Shkatërruese" shënon herën e parë që Safdie ka marrë frenat e regjisorit e vetme.
