"Dua ta dish se të kam dashur pa kushte dhe të gjithin!" Vdekja tragjike e Liam Payne, e dashura e tij thyen heshtjen: Do vazhdoj të të dua gjatë gjithë jetës sime

BRITANI- Kate Cassidy, e dashura e këngëtarit të ndjerë të 'One Direction', Liam Payne, ka thyer heshtjen pas vdekjes së tij. Kate ka bërë një dedikim prekës për të dashurin tanimë të ndjerë. Ajo ndau disa rreshta emocional në një postim në Instastory ku falënderoi mbështetësit për të gjitha fjalët e mira dhe dashurinë e dërguar, ndërsa kërkoi privatësi ndërsa të merrte veten nga pikëllimi.

“Faleminderit të gjithëve për fjalët e mira dhe dashurinë që ma keni dërguar. Jam komplet e humbur. Asgjë këto ditët e fundit nuk është ndjerë si e vërtetë. Dua të iu kërkoj që të më jepni mëshirën dhe hapësirën që këtë ta kalojë në privatësi”, shkruan ajo.

Ajo e përfundoi shënimin e saj duke iu drejtuar drejtpërdrejt Payne, të dashurit të saj prej dy vitesh. 

“Liam, engjëlli im. Ti je gjithçka. Dua ta dish se të kam dashur pa kushte dhe të gjithin. Do vazhdoj të të dua gjatë gjithë jetës sime. Të dua Liam”, shkruan Kate.

Çifti ishte në një lidhje prej dy vitesh. Cassidy u kthye në shtëpi nga Argjentina dy ditë para vdekjes së ish-yllit të 'One Direction'. Këngëtari 31-vjeçare humbi jetën pasi u rrëzua nga ballkoni i një hoteli në Buenos Aires. Autopsia tregoi se lëndimet në kokë që pësoi ylli i popit ishin të mjaftueshme për të shkaktuar vdekjen. Një hetim i cili përfshin intervistën e pesë dëshmitarëve në një përpjekje për të rindërtuar orët e fundit të muzikantit 31-vjeçar, tregoi se ai ishte vetëm në kohën e rënies. Nga dhoma e hotelit të Payne u sekuestruan substanca që tregonin konsumimin e alkoolit dhe drogës. 

liam payne