Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
SOCIALE
“Dua të jem shembull për fëmijët e mi”, Kim Kardashian tregon si e trajtoi divorcin nga Kanye West
PiranjatPërditësimi i fundit 27 Qershor 2023, 21:34
Kim Kardashian ka dhënë një intervistë të plotë dhe ndër të tjera ka përmendur edhe ish-bashkëshortin e saj, Kanye West. Duke folur për “Vogue” italiane, personazhi i njohur televiziv ka pranuar se reperi kohët e fundit po sillej “çuditshëm”.
Ajo gjithashtu theksoi se dëshira e tij e fundit ishte të përjashtonte nga shkolla vajzën e tij të madhe, North, sepse ngjyra e saj nuk i përshtatet “supremacisë së bardhë” që ai vetë kishte në mendje.
“Mendoj se në një moment ju vetëm duhet të pranoni se nuk do ta keni gjithmonë fjalën e fundit. Kam marrë një shembull shumë të mirë nga prindërit e mi në gjithë këtë çështje. Dhe ishte e dobishme. Pra, dua të jem shembull edhe për fëmijët e mi”, tha Kim, teksa iu referua divorcit.
Siç ka shpjeguar më poshtë, ajo nuk dëshiron të shprehë ndjenjat e saj para fëmijëve të saj, sidomos kur bëhet fjalë për babain e tyre.
“Nëse është diçka për babin e tyre dhe jam e mërzitur, përpiqem të mos i tregoj shumë emocionet e mia. Duhet të jem gati të shpjegoj pse jam e mërzitur. Është e papërshtatshme që ata të dinë disa gjëra. Nuk ka gjë më të keqe se ‘do ta kuptosh kur të rritesh’. Unë nuk dua të jem ai person”, vuri në dukje Kardashian.
