Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
SOCIALE
E mbajti sëmundjen të fshehtë për dy dekada, Celine Dion tregon arsyen: Më duhej të rrisja fëmijët e mi, nuk e gënjeja dot më publikun
S.BPërditësimi i fundit 10 Qershor 2024, 17:15
Celine Dion
SHBA- Këngëtarja e njohur Celine Dion ka zbuluar se ajo luftoi me sindromën e njeriut të ngurtë 17 vjet përpara se ta bënte atë publike. Këngëtarja 56-vjeçare pranoi publikisht se vuante nga çrregullimi i rrallë neurologjik autoimun në vitin 2022.
Por ajo rrëfeu se kishte luftuar fshehurazi me këtë gjendje për gati dy dekada para se të vendoste t'i hapej botës. Gjatë një klipi nga intervista e saj e ardhshme me moderatoren e emisionit ‘Today’, Hoda Kotb, Dion detajoi dhimbjen që ndjeu duke fshehur sëmundjen e saj nga fansat.
Dion shpjegoi se ndjehej sikur duhej të sillej si një heroinë kur thellë brenda saj ndjente se trupi po hiqte dorë nga ajo. Për më tepër, ajo kujtoi se po luftonte me këtë gjendje ndërsa burri i saj, Rene Angelil, po përballej me problemet e tij shëndetësore.
Pas vdekjes së tij, Dion tha se ajo luftoi për të balancuar rritjen e fëmijëve të saj, karrierën dhe shëndetin, të cilin ajo e mbajti sekret nga publiku.
“Më duhej të rrisja fëmijët e mi, duhet të fshihesha, më duhej të përpiqesha të bëhesha heroinë – ndërkohë që ndjeja se trupi im po hiqte dorë nga unë” vazhdoi ajo.
Por ajo tha se gënjeshtra u bë e tepërt duke shtuar: Gënjeshtra për mua ishte... Barra ishte e tepërt. Duke gënjyer njerëzit që më çuan këtu ku jam sot, nuk mund ta bëja më.
In an exclusive interview with TODAY, singer Celine Dion reveals why she decided to come forward with her diagnosis for stiff person syndrome. "I could not do this anymore," she says, adding, "Lying for me, the burden was too much." pic.twitter.com/LJvUrcFjpO
