Burime mediatike se asnjë nga tre të plagosurit nuk ka qenë objektiv i atentatit mbrëmë në Elbasan, por një person tjet&e...
SOCIALE
E ndaloi Trump t'i përdorte këngën në fushatë/ Histria që e ndjek pas gjithmonë, Neil Young i ndalohet hyrja në SHBA: Nëse flas keq për të, mund të shkoj deri në burgosje e dëbim
m.lPërditësimi i fundit 3 Prill 2025, 11:12
SHBA- Muzikanti Neil Young ka shprehur shqetësimin për ndalimin e hyrjes në Shtetet e Bashkuara pas turneut të tij evropian për shkak të kritikave të tij ndaj Donald Trump. Në faqen e tij të internetit, Neil Young Archives, muzikanti 79-vjeçar, i cili ka nënshtetësi kanadeze dhe amerikane, foli për frikën e tij pas valës së fundit të ndalimeve dhe dëbimeve të njerëzve që hynin në SHBA.
Këto incidente duket se janë të lidhura me çështje të paqarta ose të paspecifikuara të vizave, por shpesh përfshijnë njerëz që kanë kritikuar publikisht administratën Trump ose kanë dërguar mesazhe në telefonin e tyre, të cilat lexohen nga oficerët e imigracionit, sipas një raporti në gazetën The Guardian.
“Kur shkoj për të luajtur në Evropë, nëse përmend Donald Trump, mund të jem një nga ata që kthehen në Amerikë dhe më ndalohet hyrja, ose burgosem dhe të fle në një dysheme betoni me një batanije. Kjo po ndodh gjatë gjithë kohës tani. Vendet po nxjerrin udhëzime të reja për ata që kthehen në SHBA ," vuri në dukje ai.
Neil Young do të bëjë turne në Evropë në qershor dhe korrik për koncertet e tij të para në kontinent pas gjashtë viteve dhe do të kthehet në SHBA në gusht.
“Nëse kthehem nga Europa dhe më ndalojnë, nuk do të mund të bëj turneun tim në SHBA dhe të gjithë ata që kanë blerë bileta nuk do të mund të ndjekin koncertet e mia. Nëse thua ndonjë gjë të keqe për Trumpin ose administratën e tij, mund të të ndalohet hyrja në SHBA nëse je kanadez. Nëse keni shtetësi të dyfishtë, si unë, kush e di? Ne të gjithë do të mësojmë së bashku”, shtoi ai.
Historia mes Neil Young dhe Donald Trump nuk filloi tani, por vite më parë. Në vitin 2015, muzikanti e ndaloi kandidatin e atëhershëm për president që të përdorte këngën e tij "Rockin' In the Free World" gjatë fushatës së tij, dhe më vonë ngriti një padi për të parandaluar presidentin aktual të SHBA që të përdorte muzikën e tij në të ardhmen.
