Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
SOCIALE
Eksperienca unike me surpriza dhe takime që nuk u realizua/ Youtube-ri i njohur, MrBreast merr kërkesa masive për rimbursim nga fansat
m.lPërditësimi i fundit 17 Prill 2025, 11:55
SHBA- Ata prisnin surpriza, lojëra, foto, e ndoshta edhe një takim me vetë MrBeast. Në vend të kësaj, ata u mbyllën në dhomat e hotelit për orë të tëra, disa për ditë, dhe përfundimisht morën një kuti me çokollata dhe bluza në përmasat e fëmijëve. Ngjarja e Las Vegas, e cila u reklamua si një “eksperiencë unike” për fansat e YouTuber-it të njohur që ka mbi 385 milionë abonentë në platformë, u shndërrua në një fiasko, duke rezultuar në kërkesa masive për rimbursim.
Ngjarja u zhvillua nga 13 deri më 15 prill në Resorts World Las Vegas , me një çmim biletë prej 1000 dollarë për person. Pjesëmarrësit u informuan se një pako sekrete i priste dhe u dërguan në dhomat e tyre, ku u kërkua të prisnin dorëzimin e saj. Disa qëndruan aty për orë të tëra. Të tjerët, siç doli, nuk dolën asnjë minutë për tre ditë.
Çfarë premtoi ngjarja prej 1000 dollarësh?
Eventi "MrBeast Experience at Resorts World" u prezantua si një eksperiencë unike tre-ditore eksperimentale, në bashkëpunim me vetë MrBeast.
Sipas njoftimit zyrtar të hotelit, të ftuarit që do të paguanin ekuivalentin me 1000 dollarë do të gëzonin: ⬩ Një qëndrim tre-ditor në Resorts World Las Vegas, nga 13 deri më 15 prill 2025 ⬩ Një "çantë misterioze" ekskluzive me koleksione të zgjedhura MrBeast ⬩ Mundësia për një person me fat për të fituar një çertifikatë me fat ⬩ Ngjarjet në ambientet e hotelit, të krijuara për të ofruar një përvojë të paharrueshme, gjithëpërfshirëse për pjesëmarrësit.
Në të njëjtin njoftim, kishte një premtim informacioni të afërt në lidhje me ngjarjet ekskluzive në terren, por pa publikuar asnjëherë emra, kohë apo aktivitete specifike.
