Fansi padit Madonnën, shkak vonesa dhe sjelljet e papërshtatshme në koncert: Ishte si të shikoje pornografi pa u paralajmëruar

Madonna

SHBA- Një fans po padit mbretëreshën 65-vjeçare të pop-it Madonna, në lidhje me turin e saj të fundit. Sipas tij koncerti ishte si të shikoje pornografi pa u paralajmëruar.

Justin Lipless ngriti padinë në emër të pjesëmarrësve të tjerë në një nga koncertet e Madonna-s "Celebration Tour" në Inglewood, Kaliforni. Ai pretendon se koncerti i 7 marsit filloi më shumë se një orë e gjysmë me vonesë dhe se vendi ishte shumë i nxehtë sepse Madonna dyshohet se kërkoi të fiket ajri i kondicionuar.

Në padi thuhet se ai dhe fansat e tjerë po djersiteshin shumë dhe po ndiheshin të sëmurë fizikisht nga vapa, por kjo me sa duket nuk e shqetësoi Madonnën, e cila thuhet se i tha turmës të hiqte rrobat nëse kishin vapë. Padia më pas fokusohet në praninë e shthurur të Madonnës në skenë atë natë.

Lipless pretendon se ai dhe pjesëmarrësit e tjerë ishin të detyruar të shikonin gra topless në skenë duke simuluar akte seksuale.

"Të detyrosh konsumatorët të presin orë të tëra në arena të nxehta dhe të pakëndshme dhe t'i nënshtrohen pornografisë pa paralajmërim është tregues i mungesës së respektit flagrant të Madonnës për fansat e saj," argumentoi Lipples.

madonna