Feston 50-vjetorin rreth një muaj para/ David Beckham ishte në qendër të vëmëndjes tek festa magjepsëse, i rrethuar nga miq të famshëm dhe familjarët e tij

SHBA- David Beckham po përgatitet të mbushë 50 vjeç më 2 maj, por atmosfera festive ka nisur më herët, me një festë magjepsëse të mbajtur më 30 mars në Miami. Ish-futbollisti i njohur ka qenë në qendër të një mbrëmjeje të veçantë, me bashkëshorten e tij, Victoria Beckham, familjen dhe shumë miq të famshëm në krah.

Ngjarja u mbajt në Cipriani Downtown Miami në Florida dhe përfshiu shumë nga miqtë e famshëm të çiftit - duke përfshirë Tom Brady, Shaquille O'Neal dhe Lionel Messi, si dhe katër fëmijët e tyre; djemtë Brooklyn, Romeo dhe Cruz dhe vajzën Harper.

Veprimtaria përfshinte darkë dhe pije, ndërsa të ftuarit shijuan muzikë të kuruar nga DJ D-Nice në sallën Socialista të Cipriani.

Beckham ka bërë një postim edhe në llogarinë personale në Instagram, duke postuar foto nga mbrëmja. Ai shkroi për festimin e 50-vjetorit të tij të ardhshëm: Mendova të filloja të festoja pak herët, një natë kaq e veçantë në Miami. Ndihem me fat që kam miq dhe familjarë të mrekullueshëm me të cilët nis festimet e 50-vjetorit tim. Ju dua.

david beckham