Gjyqi i diddy-t/ Michael B. Jordan përmendet në sallë! Cila është lidhja e aktorit me ish-të dashurën e reperit dhe kërcënimi që mori

SHBA- Emri Michael B. Jordan u dëgjua të hënën, më 5 maj, gjatë fillimit të përzgjedhjes së jurisë në gjyqin e Diddy-t, duke ngritur fillimisht pyetje në lidhje me rolin e tij në këtë çështje. Megjithatë, sipas burimeve të cituara nga revista People dhe Rolling Stone, aktori i famshëm nuk do të thirret si dëshmitar në gjyq.

Jordan ishte një nga disa emra të famshëm që iu lexuan anëtarëve të mundshëm të jurisë nga një listë njerëzish që mund të emëroheshin gjatë seancës dëgjimore, së bashku me Kanye West, Mike Myers, Kid Cudi dhe ish-të dashurën e Diddy-t, Cassie Ventura.

Sipas burimeve të njohura me rastin, referenca ndaj Michael B. Jordan ka të bëjë me faktin se ai dyshohet se ka zhvilluar një flirt me Cassie-n në vitin 2015, një fakt i përshkruar në padinë që këngëtari ngriti kundër Diddy-t në nëntor 2023. Në padinë përkatëse, Cassie deklaroi se kur Diddy mësoi për këtë marrëdhënie, ai e telefonoi aktorin dhe e kërcënoi. Siç është konfirmuar, aktori i përmendur në padi është Michael B. Jordan.

Padia e Cassie-t, e cila përfshinte akuza për sulm seksual dhe trafikim, u zgjidh jashtë gjykatës një ditë pas dëshmisë së saj, por kjo hapi rrugën për dhjetëra padi të tjera kundër Diddy-t që pasuan në muajt në vijim. Akuzat kundër tij përfshijnë shantazh, trafikim me qenie njerëzore dhe transportim për qëllime prostitucioni. Në të njëjtën kohë, ai përballet me dhjetëra padi për përdhunim dhe abuzim seksual.

Diddy u arrestua në shtator 2024 dhe që atëherë ka mbetur i ndaluar në Qendrën Metropolitan të Paraburgimit në Brooklyn, pasi kërkesa e tij për lirim është refuzuar tri herë. Nëse dënohet, ai rrezikon një burgim të përjetshëm.