I foli shqip punonjësit të aeroportit/ Bebe Rexha shpërthen në lot: Nuk më lejuan të fluturoj, ky është një akt urrejtjeje se jam shqiptare! (VIDEO)

LOS ANGELES- Këngëtarja shqiptare me famë botërore Bebe Rexha është shfaqur duke qarë në një video të publikuara në Instagram. Bebe me anë të një postimi në Insta Story thotë se i ka folur shqip një punonjësi të sigurimit në një aeroport, duke menduar se edhe ai është shqiptar.

Ndërsa punonjësi i është kthyer egër, artistes e cila thotë se tani po e kërcenojnë se nuk do e lejojnë të fluturojë. Por kjo gjë e ka frikësuar dhe mërzitur këngëtaren. Bebe Rexha ka qenë në Riad të Arabisë Saudite, pasi ka qenë e ftuar për të performuar në festivalin ‘MDL Beast’, dhe ishte në rrugën e saj duke u kthyer për në shtëpi, në Los Angeles.

“Lufthansa jam kërcënuar sepse mendoja se agjenti i sigurimit ishte shqiptar. Unë fola me të në shqip duke e pyetur se ku ta marr biletën time dhe tani ai më ndalon fluturimin. Unë besoj se ky është një akt urrejtjeje ndaj meje sepse jam shqiptare. Ai nuk më lejoi të marr emrin e tij. Vazhdonte të më abuzonte mendërisht për të më bërë të ndihem se ishte më i fuqishëm se sa ishte në të vërtetë. Asnjë nga gratë në @Lufthansa nuk ndërhyri apo nuk tha diçka. Ai nuk do të më jepte emrin e tij, por sapo zbulova se punon për ATSG, një kompani shërbimesh për kontrollin e dokumenteve e punësuar nga Lufthansa”, shkroi artistja në InstaStory.

bebe rexha