Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SOCIALE
"Ishte e tmerrshme"/ Michelle Williams përshkruan kohën e vështirë të jetesës me Ryan Gosling në sheshxhirimin e "Blue Valentine"
m.lPërditësimi i fundit 21 Maj 2025, 15:54
SHBA- Michelle Williams ka zbuluar se përvoja e saj e të jetuarit me Ryan Gosling gjatë xhirimeve të filmit “Blue Valentine” ishte realisht e tmerrshme. Duke folur në podkastin "Armchair Expert", aktorja 44-vjeçare shpjegoi se sa e "tmerrshme" ishte të ndante një shtëpi me bashkë-yllin e saj. Siç tha ajo, ata e bënë këtë si "stërvitje" për aktrimin, në mënyrë që të përshtateshin më mirë me rolet e tyre, pasi filmi kërkonte që dy aktorët të përjetonin një marrëdhënie që nga fillimi... deri në shkatërrimin e saj.
"Ne xhiruam fillimisht pjesën e filmit ku ata janë të rinj dhe të dashuruar dhe gjithçka shkon mirë", tha Michelle Williams. Megjithatë, sipas skenarit, çifti gradualisht largohet dhe martesa e tyre shembet. Për ta portretizuar në mënyrë realiste ndarjen, Michelle Williams dhe Ryan Gosling morën një pushim dyjavor nga xhirimet dhe jetuan së bashku, si në një marrëdhënie normale.
"Ishte si një punë zyre, nga ora 9 deri në 5. Një situatë profesionale. Impromizonim gjatë gjithë ditës për të gjetur mënyra për të acaruar njëri-tjetrin dhe për të shkatërruar gjithçka të bukur që kishim ndërtuar në fillim. Bashkëjetesa "toksike" filloi duke djegur foton e dasmës së personazheve të tyre. Ne mësuam si të jemi bezdisës. Ishte e tmerrshme," tha ajo.
Regjisori i filmit, Derek Cianfrance, e ruajti këtë tension emocional duke u shfaqur papritur në shtëpinë e tyre me skenarë të situatave të përditshme që do t’i ndanin edhe më shumë.
“Pas një dite zhgënjyese, ai na thoshte: ‘Tani çojeni vajzën tuaj në parkun e zbavitjes dhe përpiquni të argëtoheni’”, kujtoi aktorja, duke komentuar se, pavarësisht ngarkesës psikologjike, në të gjithë procesin kishte edhe një ndjenjë “perverse” argëtimi.
"Ishte si, 'Nuk ke pse të më urresh, sepse tani e urrej veten'. Po zgjonim tiparet tona më të këqija. Ishim të tmerrshëm! Aktorja më pas zbuloi se fillimisht nuk kishte ndërmend të ndalonte xhirimet, por kjo pauzë rezultoi e nevojshme për të “shkëputur” personazhet e tyre nga dashuria fillestare që kishin dhe për të krijuar një distancë autentike mendore. Po e kishim shumë të vështirë të ndaheshim nga diçka që e donim kaq shumë", tha ai.
Ryan Gosling foli gjithashtu për përvojën e tij në vitin 2010 në NPR, duke thënë se ata jetuan së bashku për të krijuar kujtime të vërteta, mbi të cilat do të bazoheshin skenat e fundit të dramës.
"Ne festuam një Krishtlindje të rreme, dekoruam një pemë, pjekëm torta ditëlindjeje, blemë dhurata dhe shkuam së bashku në Sears. Ne bëmë gjithçka që mundëm për të krijuar përvoja të vërteta në mënyrë që kur të vinte koha për të luajtur shpërbërjen e martesës, të kishim diçka për të kujtuar,” tha ai.
“Blue Valentine”, me përshkrimin e tij të papërpunuar dhe realist të prishjes së një marrëdhënieje, është lavdëruar nga kritikët dhe konsiderohet si një nga dramat romantike më prekëse të dekadave të fundit.
