Burime mediatike se asnjë nga tre të plagosurit nuk ka qenë objektiv i atentatit mbrëmë në Elbasan, por një person tjet&e...
SOCIALE
"Je 21 por dukesh si 40"/ Aktorja Millie Bobby Brown ju përgjigj komenteve dhe e pati të vështirë përballjen me audiencën: Ishte e frikshme
m.lPërditësimi i fundit 12 Mars 2025, 12:38
Millie Bobby Brown
ANGLI- Millie Bobby Brown ka zgjedhur t'i përgjigjet komenteve që merr nga shtypi në lidhje me ndryshimet në pamjen e saj përmes një videoje në rrjetet sociale pak ditë më parë. Ylli i "Stranger Things" iu referua artikujve dhe gazetarëve të veçantë të cilët u fokusuan në analizimin e fytyrës, trupit dhe zgjedhjeve të saj, duke aluduar gjithashtu për moshën e saj. Megjithatë, në një intervistë të fundit, Millie Bobby Brown pranoi se vendimi i saj për t'u përballur me kritikat ishte i frikshëm.
“Më vjen mirë që njerëzit mundën të identifikoheshin me videon. Nuk bëhet fjalë vetëm për ato në industri, por për të gjitha vajzat e reja në mbarë botën që ndihen të shënjestruara ose të ngacmuara për shkak të pamjes së tyre ose mënyrës se si e prezantojnë veten,” tha aktorja 21-vjeçare në emisionin Today të martën, më 11 mars.
Brown shpjegoi se mendonte se nuk kishte koha e duhur për të folur, kështu që vendosi ta bënte këtë pa vonesë të mëtejshme: E kuptova se nëse nuk e them tani, nuk do ta gjej kurrë kohën e duhur, kështu që pse të pres?
E pyetur për reagimet që pasuan, aktorja tregoi se pas publikimit të videos e ka fikur telefonin pasi ka ndier presion: Ishte disi e frikshme. Nuk e dija se si do të reagonin njerëzit, por është mirë të shoh përgjigjen pozitive.
Millie Bobby Brown ka dhënë, përmes një videoje që ka postuar në llogarinë personale në Instagram, reagimin e saj ndaj komenteve që ka marrë së fundmi nga shtypi për shkak të ndryshimeve në pamjen e saj.
