Jennifer Lopez dhe Ben Affleck finalizojnë dokumentet e divorcit, dështojnë përpjekjet për ribashkim

Ben dhe Jennifer

SHBA- Ndarja e çiftit Jennifer Lopez dhe Ben Affleck duket se është një fakt tashmë. Miqtë e afërt të çiftit kanë pohuar për Daily Mail se aktori 51-vjeçar dhe këngëtarja 55-vjeçare po ecin përpara me një divorc pasi një përpjekje e fundit për t'u pajtuar javët e fundit dështoi.

Dokumentet e divorcit të çiftit "janë finalizuar, por nuk janë dorëzuar ende" pohojnë burime të shumta. Lajmi vjen pas blerjes nga Affleck të një rezidence të re prej 20.5 milionë dollarësh në Pacific Palisades të mërkurën, ditën kur Lopez mbushi 55 vjeç.

Miqtë e yllit pretenduan se blerja surprizë e aktorit për ditëlindjen ishte një 'thikë në zemër' për Lopez. Kjo blerje erdhi vetëm disa ditë pasi çifti nxorri në shitje rezidencën e tyre në Beverly Hills për 68 milionë dollarë.

24 korriku shënoi gjithashtu ditën kur Lopez finalizoi shitjen e apartamentit të saj me katër dhoma gjumi në Nju Jork për 23 milionë dollarë, raportoi People.

“Ata i kanë finalizuar dokumentet e divorcit një muaj më parë, por presin momentin e duhur për t’i depozituar”, pohoi një burim pranë çiftit. “Në atë kohë, ata do të lëshojnë një deklaratë të përbashkët duke thënë se sa shumë e duan njëri-tjetrin dhe se si luftuan për t'ia dalë, por nuk ia dolën. Sinqerisht, në fund nuk arritën dot në një kompromis. Ajo që ata kishin më parë është zhdukur dhe të dy e kanë pranuar.”  

ben affleck jennifer lopez dhe ben affleck