Kreu i Partisë Demokratike, Sali Berisha, e cilësoi shpopullimin, ekonominë dhe ndikimin e krimit të organizuar si problemet kryesore me t...
SOCIALE
"Jeta ime personale është gjithmonë në lajme"! Brad Pitt flet për herë të parë për ndarjen nga Angelina Jolie: Divorci nuk ishte ndonjë gjë e madhe, ishte thjesht diçka që mori fund
E.DPërditësimi i fundit 28 Maj 2025, 18:26
SHBA- Në një nga intervistat e rralla rreth jetës së tij personale, Brad Pitt ka folur për revistën GQ, në lidhje me filmin e tij të ri “F1”, duke treguar hapur për ekspozimin e vazhdueshëm të jetës së tij private në publik, por edhe për divorcin e tij të fundit nga Angelina Jolie.
Pas dekadash interesi të madh publik për jetën e tij personale dhe së fundmi një mosmarrëveshjeje ligjore me ish-gruan e tij, duket se ai ka zgjedhur të krijojë një mjedis të sigurt ku mund të jetë vetvetja, larg vëmendjes së vazhdueshme të medias. Brad Pitt, deklaroi se ai është mësuar që jeta e tij personale të jetë në qendër të vëmendjes së publikut.
“Jeta ime personale është gjithmonë në lajme. Për 30 vjet!”, tha ai.
Kur u pyet nëse xhirimi i filmit “F1” ishte një lloj “strehimi” nga presioni i shtypit me jetën e tij private, Brad Pitt shpjegoi se nuk pati kurrë një “arratisje” të vërtetë nga ekspozimi.
“Gjithmonë ka qenë një shqetësim me të cilin më është dashur të përballem, në shkallë të ndryshme, qoftë i vogël apo i madh, pasi bëj atë që dua vërtet të bëj. Është një lloj humbjeje kohe bezdisëse, ose edhe një humbje kohe, nëse e lejon të jetë kështu”, shpjegoi ai.
Megjithatë, duket se ai ka gjetur një ekuilibër të brendshëm. Ndërsa kur u pyet nëse ndihej i lehtësuar që divorci i tij nga Angelina Jolie ishte finalizuar, përgjigjja e tij ishte e shkëputur dhe pothuajse indiferente: Jo, nuk mendoj se ishte diçka kaq e rëndësishme. Thjesht diçka që mori fund. Ligjërisht.
“Në thelb ndihem bukur… Jeta ime është relativisht e rrënjosur. Ndjeuj ngrohtësi dhe siguri me miqtë e mi, me të dashurit e mi, me familjen time, me dijeninë se kush jam. Pra, e dini, është si një mizë që gumëzhin pranë meje herë pas here”, tha ai.
