Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SOCIALE
Kërcënon se do t'i shkatërrojë 'perandorinë familjare'/ Përshkallëzohet grindja mes Kim Kardashian dhe Kanye West
m.lPërditësimi i fundit 7 Prill 2025, 15:38
SHBA- Kanye West duket se po luan çdo kartë të mundshme në grindjen e tij të vazhdueshme me ish-bashkëshorten Kim Kardashian, pasi situata e tyre tashmë e tensionuar e kujdestarisë së fëmijëve do të kthehet në një luftë të hapur. Pasi u përplasën për këngën me vajzën e tyre 11-vjeçare North dhe Diddy, tensioni mes ish-çiftit është në një nivel të lartë, me një burim që zbuloi se personazhi i famshëm televiziv dhe familja e saj kanë frikë se West do të zbulojë sekretet e tyre më të errëta dhe do të shkatërrojë 'perandorinë familjare'.
Sipas një raporti të Radar Online, reperi ka një "dosje të pistë" për ish-gruan e tij që ai synon ta përdorë në gjykatë nëse ajo përpiqet të kërkojë kujdestarinë e vetme të katër fëmijëve të tyre.
"Ata kanë çdo arsye për të pasur frikë. Kanye është jashtë kontrollit dhe i armatosur me të gjitha sekretet që ka për ta," tha një burim.
Reperi 47-vjeçar shpërtheu së fundmi në platformën X, duke shkruar në mënyrë të ngatërruar dhe jokoherente për vështirësitë që has në komunikimin me fëmijët e tij.
“Po, unë kam një problem me njerëzit që ngrinë llogarinë time, morën fëmijët e mi dhe u përpoqën të më futnin në burg”, shkroi West.
Në një postim tjetër ai shkruan: Nuk dua që vetëm t'i shoh fëmijët e mi. Duhet t'i rris. Duhet të them se në çfarë shkolle shkojnë. Kush janë miqtë e tyre, në çfarë shtëpie flenë, nëse veshin buzëkuq dhe parfum. Të gjitha këto të drejta më janë mohuar nga banda e Kardashian, Hulu dhe Disney.
Reperi i ka krahasuar takimet me katër fëmijët e tij me vizitat në burg. Divorci i çiftit u finalizua në nëntor 2022 dhe përfshin një marrëveshje për kujdestarinë e përbashkët të fëmijëve të tyre, North, Saint, Chicago dhe Psalm. Megjithatë, fëmijët e kalojnë pjesën më të madhe të kohës me nënën e tyre.
“Kanye është i tërbuar me Kim-in, por ai është edhe më i zemëruar me familjen e saj dhe veçanërisht me nënën e saj, Kris Jenner. Ai është i bindur se asgjë nga këto nuk do t'i kishte ndodhur nëse Chris dhe njerëzit e saj në të gjithë Hollivud nuk do ta anulonin dhe nuk do ta kishin kthyer kundër tij. Ai dëshiron të bëjë pikërisht të njëjtën gjë, domethënë të lëshojë të gjitha armët që ka në duart e tij”, tha i njëjti burim.
Nga ana tjetër, Kardashian duket e gatshme të përgjigjet, duke synuar, sipas të njëjtit burim, t'i kërkojë gjykatës heqjen e kujdestarisë nga ish-bashkëshorti i saj.
