Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
SOCIALE
'Më është thyer zemra në miliarda copa'/ Reagon për herë të parë reperi i njohur Unikkatil pas humbjes së vëllait
m.lPërditësimi i fundit 5 Mars 2025, 11:46
KOSOVË- Reperi i njohur shqiptar, Unikkatil, ka thyer heshtjen për herë të parë pas humbjes së rëndë të vëllait të tij, Mentor Palokaj. Përmes një postimi emocional në Instagram, artisti, emri i vërtetë i të cilit është Viktor Palokaj, ka ndarë dhimbjen e tij të madhe, duke publikuar disa fotografi me të ndjerin dhe duke njoftuar detaje mbi ceremoninë mortore.
Në mesazhin prekës, Unikkatil e përshkroi Mentor Palokajn si jo vetëm një vëlla, por edhe një mik të pandashëm, duke treguar për lidhjen e fortë që kishin mes tyre.
“My one and only, ty që je kônë gjithmonë aty për mu. Ty që t’kisha jo vetëm vëlla, po edhe shokun mà të mirë. Ti m’dashte mà shumë se veten, e edhe une ty njëjtë. Gjithmonë i buzëqeshun, pozitiv e sy patrembun. Trimi i êm!!! Edhe n’momentet e fundit ke thonë mos me me tregú mú sepse ke pasë brengë po pësoj aksident tu u ngutë me ardhe te ti. Përjetove gjôna që disa nuk munden as me qindra jeta, e vetëm n’ôndrra. Zemra ême u thý në miliarda copa!”.
Reperi gjithashtu bëri të ditur detajet e ceremonisë mortore, duke njoftuar se përshëndetja e fundit për Mentor Palokajn do të bëhet të enjten, më 6 mars 2025, nga ora 09:00 te restorant “Fenix” në Klinë, ndërsa varrimi do të zhvillohet në orën 13:00 te varrezat e kishës së Gjurakocit.
Lajmi për humbjen e tij ka prekur thellë fansat dhe ndjekësit e Unikkatil, si edhe njerëz të showbizit shqiptar të cilët kanë shprehur ngushëllimet e tyre në rrjetet sociale.
