Zjarri në zonën e Radostinës në Fier vijon të jetë aktiv me intensitet të lartë dhe situata raportohet e vështir&...
SOCIALE
"Muzika e tij e re është e mrekullueshme"/ Lewis Capaldi, këngëtari me sindromën Tourette po punon për rikthimin e tij pas një shkëputjeje të detyruseshme
m.lPërditësimi i fundit 24 Mars 2025, 21:55
SKOCI- Lewis Capaldi duket se do të rikthehet së shpejti pasi mori një pushim për shkak të diagnozës së tij të sindromës Tourette. Miku i ngushtë i këngëtarit skocez, Yungblud, zbuloi se Capaldi është duke përgatitur këngë të reja, ndërkohë që shëndeti i tij mendor është duke u përmirësuar ndjeshëm, duke konfirmuar rikthimin e tij të shumëpritur.
Artisti 28-vjeçar kishte njoftuar se do të bënte një pushim nga skena muzikore pas performancës së tij të vështirë në Glastonbury në qershor 2023 , kur ai luftoi për të menaxhuar simptomat e sindromës Tourette. Raportet e fundit kanë sugjeruar një rikthim të mundshëm në vitin 2025, pasi ai thuhet se diskutoi albumin e tij të ardhshëm me miqtë, por asgjë nuk ishte konfirmuar deri në zbulimin e Yungblud.
“Kam dëgjuar muzikën e tij të re dhe është e mrekullueshme”, tha ai për Sun.
Yungblud, emri i vërtetë i të cilit është Dominic Harrison, foli për miqësinë e tyre të thellë, duke thënë se ata e kuptojnë njëri-tjetrin, pasi e përjetuan suksesin në të njëjtën kohë. Paraqitja e Lewis Capaldi në Glastonbury 2023 ishte e para pas një mungese trejavore për shkak të problemeve të shëndetit mendor.
Gjatë koncertit ai pranoi se kishte frikë të kthehej në skenë, ndërsa në mes të performancës rrëfeu se kishte vështirësi për shkak të simptomave të sindromës Tourette, duke thënë se zëri i tij kishte hequr dorë. Pavarësisht shqetësimit të tij, ai vazhdoi të këndonte me mbështetjen e publikut, i cili e emocionoi duke kënduar në vend të tij "Dikush që e doje".
Pas paraqitjes së tij, ai përmes rrjeteve sociale bëri të ditur se i duhej më shumë kohë për t'u kujdesur për shëndetin e tij.
“Shpresoja se tre javë abstenim do të mjaftonin, por kuptova se më duhet shumë më shumë kohë për të rivendosur shëndetin tim fizik dhe mendor. Më vjen shumë keq për ata që kishin planifikuar të vinin në koncertet e mia, por duhet të ndihem mirë për të performuar ashtu siç e meritoni”, ka shkruar ai, duke shtuar se vendimi për t’u tërhequr përkohësisht ishte më i vështiri i jetës së tij.
Në natën e Vitit të Ri, gjashtë muaj pas vendimit të tij për të marrë një pushim, ai njoftoi fansat e tij se po vinte re një përmirësim të dukshëm në shëndetin e tij.
"Jam i lumtur që shoh përparim në shëndetin tim që kur vendosa të bëj një pushim ," tha ai dhe madje shtoi se synon të vazhdojë të kujdeset për veten e tij, ndoshta duke shkruar muzikë të re dhe duke reflektuar për momentet më të mahnitshme të jetës së tij.
“Dua të sigurohem që jam 100% gati përpara se të kthehem në koncerte dhe të bëj atë që dua më shumë”. “Këto këngë janë gjithçka për mua dhe do të dëshpërohesha nëse nuk mund t’i ndaja me ju”, rrëfeu ai.
Ai kishte falenderuar edhe fansat e tij për mbështetjen e palëkundur, duke theksuar se dashuria e tyre e bëri më të etur se kurrë për t'u rikthyer në skenën muzikore.
