Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
SOCIALE
Ndarja nga jeta e Michelle Trachtenberg/ Flet për humbjen pas një viti kolegia e saj, Leighton Meester: Është e padurueshme, të gjithë e donin! Është shumë e trishtueshme
m.lPërditësimi i fundit 7 Maj 2025, 16:24
SHBA- Leighton Meester ka folur për herë të parë për humbjen e mikeshës së saj të mirë dhe bashkë-yllit të Gossip Girl, Michelle Trachtenberg, e cila ndërroi jetë shkurtin e kaluar në moshën 39-vjeçare. Aktorja e përshkroi vdekjen e Trachtenberg si "shkatërruese", ndërsa i bëri homazh mirësisë dhe talentit të koleges dhe mikeshës së saj.
Meester u pyet për Trachtenberg në një artikull të ri në revistën Flaunt, disa javë pasi shkaku i vdekjes së Trachtenberg u bë publik.
"Ajo ishte një person i mrekullueshëm dhe i talentuar. Është e padurueshme. Të gjithë e donin. Është shumë, shumë e trishtueshme për të gjithë ata që e njihnin", tha Leighton për Michelle.
Leighton Meester u bë e njohur për rolin e saj kryesor në serialin "Gossip Girl", i cili u transmetua nga viti 2007 deri në vitin 2012, ku ajo luajti Blair Waldorf, një nxënëse në një shkollë private elitare në Upper East Side të Manhattanit. Roli i saj si antagoniste e Sirina van der Woodsen, e luajtur nga Blake Lively, e bëri atë një nga të preferuarat e publikut.
Michelle Trachtenberg luajti rolin e Georgina Sparks, një mikeshë e vjetër e Sirinës, e cila u shfaq që nga sezoni i parë si një personazh i përsëritur. Shkaku i vdekjes së aktores u bë i ditur më 16 prill, kur familja e saj vendosi më në fund të publikonte rezultatet e ekzaminimit mjeko-ligjor, pavarësisht kundërshtimeve fillestare të bazuara në besime fetare.
Sipas raportit të mjekut ligjor, aktorja e ndjerë vdiq nga ndërlikimet e diabetit mellitus. Raporti nuk specifikon nëse ishte diabeti i tipit 1 apo i tipit 2, megjithëse Trachtenberg kishte pasur probleme shëndetësore para vdekjes së saj.
