Në fshehtësi të plotë, Kristen Stewart martohet me Dylan Meyer me një ceremoni të thjeshtë në Kaliforni

SHBA- Kristen Stewart u martua me të dashurin e saj, Dylan Meyer, në fshehtësi të plotë. Sipas informacioneve ekskluzive të TMZ, aktorja dhe partneri i saj shkëmbyen betimet e dashurisë dhe besnikërisë së përjetshme në një ceremoni të thjeshtë në Kaliforni.

Sipas personave që e njohin çiftin, ata u martuan të dielën në shtëpinë e Kristen Stewart në Los Angeles, në prani të miqve të ngushtë. Mes të ftuarve ishte edhe aktorja Ashley Benson së bashku me bashkëshortin e saj, Brandon Davis. Çifti kishte siguruar licencën e martesës të martën e kaluar në Los Angeles County, duke shënuar fillimin e numërimit mbrapsht për ceremoninë.

Kristen Stewart dhe skenaristi Dylan Meyer u takuan për herë të parë në vitin 2013 në xhirimet e një produksioni filmik, por lidhja e tyre filloi disa vite më vonë, në vitin 2019, pas ndarjes së Kristen Stewart nga Stella Maxwell. Në vitin 2021, ata shpallën fejesën e tyre, ku aktorja zbuloi në emisionin e Howard Stern se propozimi për martesë ishte bërë nga Dylan Meyer.

Në vitin 2023, në një intervistë me Rolling Stone, Kristen Stewart deklaroi se ajo dhe partneri i saj i atëhershëm po diskutonin seriozisht mundësinë e lindjes së fëmijëve, gjë që dëshmonte se sa e qëndrueshme dhe kuptimplote ishte marrëdhënia e tyre.

dylan meyer kristen stewart