Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SOCIALE
"Ne pimë martini të shkëlqyer"/ Aktorja Glenn Close dhe Kim Kardashian kalojnë së bashku një party me pizhama: Ishte vërtet argëtuese
m.lPërditësimi i fundit 7 Prill 2025, 16:54
SHBA- Mes Glenn Close dhe Kim Kardashian duket se është krijuar një miqësi e papritur, ku aktorja e njohur tregon se kanë kaluar një mbrëmje në shtëpinë e Kris Jenner, të veshur me pizhame dhe duke pirë martini, teksa shikonin filmin “Tërheqja fatale".
Close zbuloi se së fundmi ajo ishte në një festë me pizhame së bashku me Kim Kardashian, me të cilën luan në serialin e ri All's Fair. Ngjarja ka ndodhur në shtëpinë luksoze të Kris Jenner, me vlerë 20 milionë dollarë dhe një sipërfaqe prej rreth 1500 metrash katrorë, në Hidden Hills, Kaliforni.
Të gjithë kemi veshur pizhamet SKIMS. Unë arrita në shtëpinë e mamasë së saj me pizhame dhe rroba banjo. Ne pimë martini të shkëlqyer. Ishte vërtet argëtuese”, tha aktorja 78-vjeçare.
Zbulimi që ra në sy, ishte se Kardashian nuk e kishte parë kurrë filmin klasik të vitit 1987 Fatal Attraction, në të cilin Close luajti Alex Forrest të paharrueshëm. Kështu të dy vendosën të organizojnë një shfaqje në kinemanë private të Jenner.
"Ne thamë që të gjithë duhet ta shikojmë filmin së bashku dhe ta shikojmë Kim-in ta shikojë për herë të parë. Dhe ne e bëmë," tha Glenn Close.
Performanca e Close si një botuese me probleme mendore e cila bëhet e fiksuar pas një avokati të martuar (të luajtur nga Michael Douglas) i dha asaj një nga tetë nominimet e saj për Oscar. Filmi me regji të Adrian Line, me një buxhet prej 14 milionë euro, dha 320 milionë në mbarë botën dhe mori vlerësime të mira.
