"Nëse do të ishte pasagjer tjetër do kishim thirrur Policinë"/ Stjuardesa tregon eksperiencën aspak të mirë me Jennifer Lopez

Jennifer Lopez

GREQI- Këngëtarja dhe aktorja Jennifer Lopez nuk shquhet për sjellje të mira ndaj stafit të hoteleve apo restoranteve që ka vizituar. Pas vrazhdësisë së saj ndaj një gazetareje në Met Gala, filloi një trend i ri në TikTok, ku njerëzit që kanë ndërvepruar me të nuk kanë aspak mendime apo ndjesi pozitive nga qëndrimi i saj.

Mes tyre edhe një stjuardesë greke konfirmon se JLo ka mungesë të theksuar respekti ndaj punonjësve. Në videon e saj, stjuardesa theksoi sjelljen mosrespektuese të yllit latin ndaj ekuipazhit dhe zbuloi se për shkak të saj, punonjësve të kompanisë ajrore iu desh shumë kohë të largoheshin nga avioni.

Arsyeja ishte se Lopez nuk mund të gjente rrobat që i pëlqenin të zbriste nga avioni. Fillimisht, stjuardesa tha në TikTok: Unë punoja në pjesën ekonomike të avionit, ndërsa ajo kishte rezervuar në klasin e parë dhe atje secili ka kabinën e vet, kështu që kur ajo mbyll derën nuk kemi asnjë kontakt me të.

"Ajo e bëri të ditur se nuk donte që ne ta shikonim, nuk do që ne të flasim me të, as nuk do që ta pyesim se çfarë do të hajë dhe çfarëdo komunikimi kemi është me asistentin e saj”.

Në vazhdim të përshkrimit të saj, stjuardesa greke tregoi se: Kur pyetëm pjesën tjetër të ekuipazhit pse ndodhi kjo vonesë, ata na thanë se Jennifer Lopez po ndërronte rrobat, dhe se ajo nuk ndihej gati të zbriste. Ajo po ndërronte rrobat sikur të ishte në shtëpi. Dhe unë u thash se nuk është një avion privat, së pari, dhe së dyti, nëse ndonjë pasagjer tjetër do ta bënte këtë, ne do të thërrisnim sigurinë dhe policinë!

Kjo video u bë virale në TikTok, ku publiku dukej i zhgënjyer nga sjellja e këngëtares.

jennifer lopez