Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SOCIALE
"Njeriu që shpëtoi industrinë e artit gjatë pandemisë"/ Kenneth Branagh për mikun e tij, Tom Cruise: Ai është një aktor i nënvlerësuar
m.lPërditësimi i fundit 28 Prill 2025, 19:22
SHBA- Tom Cruise shpesh mund të quhet "ylli i fundit i madh i filmit" dhe njeriu që shpëtoi industrinë e argëtimit gjatë pandemisë, por, sipas kolegut dhe mikut të tij Kenneth Branagh, ai është ende i nënvlerësuar si aktor.
"Nëse ai ndonjëherë lodhet duke u impresionuar njerëzve me skena aksioni, ai do t'i befasojë ata që e shohin atë vetëm si një yll filmi. Ajo që ka arritur me filmat Mission Impossible dhe Top Gun është një argëtim unik, kinematografik me synimin serioz për t'ju ofruar momente të mrekullueshme në kinema. Por ai është një aktor i nënvlerësuar për të cilin një periudhë e artë interpretimesh është në prag”, tha Branagh.
Kontributi i Cruise në prodhimin e filmit britanik po nderohet me çmimin e BFI Fellowship , nderimi më i lartë i Institutit Britanik të Filmit, për një aktor dhe producent që ka dhënë një kontribut të rëndësishëm në ekonominë e Mbretërisë së Bashkuar, falë filmave të tij të xhiruar atje gjatë dyzet viteve të fundit, nga "Eyes Wide Shut" deri tek filmat e fundit të "Mission Imposseible". Ceremonia e ndarjes së çmimeve do të mbahet më 12 maj në darkën e Presidentit të BFI-së në Londër, të organizuar nga Presidenti i Institutit, Jay Hunt. Një ditë më parë, Cruise do të marrë pjesë në një diskutim të hapur në skenën e BFI Southbank, ku do të flasë për rrugëtimin e tij në kinema.
Me rastin e shpalljes së çmimit të tij nga BFI-ja, i cili do të shoqërohet me një muaj kushtuar filmave të tij, Tom Cruise deklaroi: Është vërtetë një nder i madh për mua. Kam mbi dyzet vjet që bëj filma në Britaninë e Madhe dhe nuk kam ndërmend të ndalem.
