Tensione janë shënuar gjatë protestës së studentëve dhe pedagogëve para Ministrisë së Arsimit, ku policia ka nd&e...
SOCIALE
"Nuk do të ndalem kurrë"/ Tom Cruise tregon se do ta vazhdojë karrierën e tij si aktor 'deri në moshën 100 vjeçare': Nuk do të ndalem së xhiruari filma aksion! Jam i entuziazmuar
m.lPërditësimi i fundit 20 Maj 2025, 16:48
SHBA- Filmi i ri “Mission: Impossible” mund të jetë kapitulli i fundit i Tom Cruise në rolin e Ethan Hunt, por aktori i famshëm duket se nuk ka ndërmend t’i japë fund karrierës së tij në film, pasi, siç deklaroi në një intervistë të fundit, do të vazhdojë të bëjë filma deri në moshën 100 vjeç.
Duke folur për “The Hollywood Reporter”, menjëherë pas premierës së filmit në Festivalin e Filmit në Kanë, ylli 62-vjeçar sqaroi: Thashë se do të bëja filma deri në moshën 80 vjeç. Në fund të fundit, do t’i bëj deri në moshën 100 vjeç. Nuk do të ndalem kurrë. Nuk do të ndalem së xhiruari filma aksion, nuk do të ndalem së xhiruari drama dhe komedi, jam i entuziazmuar.
Cruise, i njohur për obsesionin e tij për të kryer vetë të gjitha akrobacitë e rrezikshme në filmat e tij, duket se nuk ndikohet nga kalimi i kohës. Në filmin e tetë të “Mission: Impossible”, të titulluar “The Final Reckoning”, aktori merr pjesë edhe një herë në skena aksioni mbresëlënëse.
Kur u pyet se si përgatitet për skena të tilla, aktori u përgjigj: Ka shumë rituale para akrobacive që më mbajnë gjallë. Varet nga ajo që po bëj dhe përgatitja që kërkon. Ka shumë mendime dhe gjithçka është komplekse dhe shumë interesante.
Duke iu referuar karrierës së tij të gjatë në franshizën e filmave, Cruise theksoi rëndësinë e bashkëpunimit dhe eksplorimit përmes filmave.
“Ka pasur kaq shumë nivele shpërblimi me regjisorët me të cilët kam punuar, me ekipet, me njerëzit dhe kulturat që kemi takuar. Çdo gjë që kam mësuar, dhe vazhdoj të mësoj, për rrëfimin e historive, për jetën, për lidershipin, për personazhin dhe çdo aspekt të krijimit të filmave... Është vërtet e jashtëzakonshme. Ndihem shumë me fat që jam në gjendje të bëj filmat që bëj dhe i dua ata. Më pëlqen thjesht të bëj filma," shtoi ai.
Filmi i ri Mission: Impossible, i njohur fillimisht si Dead Reckoning Part Two, vjen për të plotësuar historinë që filloi në filmin e mëparshëm. Ethan Hunt tani mban "çelësin" që mund të neutralizojë Entitetin, një armë e padukshme dhe autonome e inteligjencës artificiale. Megjithatë, për ta bërë këtë, ai duhet së pari të gjejë nëndetësen ruse të fundosur ku është fshehur kodi i tij burimor.
