Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
SOCIALE
Nuk gjendet testament pas vetëvrasjes së saj/ Çfarë do të ndodhë me pasurinë e aktores Pamela Bach?
m.lPërditësimi i fundit 14 Mars 2025, 16:45
SHBA- Ish-gruaja e David Hasselhoff, Pamela Bach, vendosi t'i jepte fund jetës së saj më 5 mars, pa lënë pas asnjë testament. Vajza e saj Taylor Hasselhoff-Fiore, paraqiti një kërkesë në gjykatë për të marrë përsipër administrimin e pasurisë së saj. Sipas një raporti Taylor Hasselhoff dorëzoi dokumentet e nevojshme të enjten, duke kërkuar që ajo të merret me shpërndarjen e aseteve të nënës së saj, të cilat vlerësohen në rreth 840,000 dollarë. Megjithatë kjo shumë mund të mos jetë përfundimtare, pasi mund të ketë truste private që nuk përfshihen në pasuri.
Ish-aktorja 62-vjeçare e Baywatch u gjet e vdekur në shtëpinë e saj në Los Anxhelos javën e kaluar, me raportin e mjekësisë ligjore që e vlerësoi vdekjen e saj si vetëvrasje. Pamela kishte dy vajza me David Hasselhoff, 34-vjeçaren Taylor dhe 32-vjeçaren Hailey.
Ndërsa Hailey, e cila thuhet se gjeti të vdekur nënën e saj, nuk e ka komentuar publikisht humbjen tragjike, Taylor ndau një mesazh prekës në Instagram të mërkurën: Do të jepja gjithçka për të të përqafuar sërish engjëlli im. Ti je shoku im më i mirë, zemra ime, gjithçka ime. Të premtoj se do të të bëj krenarë dhe të nderoj çdo ditë.
