Policia e Tiranës ka intensifikuar kontrollet ndaj automjeteve luksoze që qarkullojnë në kryeqytet sot në 6 shtator.
Në fokus t...
SOCIALE
Nuk morën pjesë në festën e 50-vjetorit/ David dhe Victoria Beckham ndihen të “tradhtuar” nga djali i tyre dhe gruaja e tij
m.lPërditësimi i fundit 28 Maj 2025, 12:33
SHBA- Marrëdhënia e David dhe Victoria Beckham me djalin e tyre, Brooklyn, dhe gruan e tij, Nicola Peltz, vazhdon të jetë e tendosur, pasi pësoi një goditje të rëndë, me distancën midis tyre që tani përshkruhet si "shumë e thellë". Sipas një burimi në Us Weekly, familja Beckham ndihen të “tradhtuar” nga çifti i ri pasi nuk morën pjesë në festën e 50-vjetorit të David Beckham në fillim të këtij muaji.
"Victoria dhe David nuk e kanë telefonuar, dërguar mesazhe ose kontaktuar drejtpërdrejt Brooklyn-in që nga festa e ditëlindjes", pohoi një burim.
Mungesa e çiftit në festën familjare u konsiderua si një "goditje" për një marrëdhënie dikur shumë të ngushtë. I njëjti burim shpjegon se pas tensionit fshihen "mosmarrëveshje të thella që lidhen me kontrollin dhe pikëpamje të ndryshme mbi të ardhmen e Brooklyn-it ".
"Nicola vjen nga një familje e fuqishme", vëren ajo, duke iu referuar babait të saj, Nelson Peltz, një investitor miliarder, dhe nënës së saj, Claudia Hefner, një ish-modele.
“David dhe Victoria janë mësuar të kontrollojnë situata të tilla dhe tani po përjetojnë një ndryshim në ekuilibër”, shtoi burimi. Njerëz nga mjedisi i familjes besojnë se rilidhja "do të kërkojë një rrugë të gjatë" . Megjithatë, siç raportohet, "ekziston një dëshirë për pajtim nga ana e Davidit dhe Victorias". Pavarësisht ndarjes, martesa e Brooklyn dhe Nicola thuhet se është më e fortë se kurrë.
“Brooklyn dhe Nicola janë jashtëzakonisht të lumtur së bashku dhe të përkushtuar për të ndërtuar një martesë të bazuar në dashuri të pakushtëzuar, kujdes, mbështetje dhe familje. Duket se kjo marrëdhënie e shëndetshme e shtyu atë të rishqyrtojë edukimin e tij dhe marrëdhëniet familjare. Pas vitesh përpjekjesh për të vendosur kufij dhe për të inkurajuar ndryshime të ndershme dhe pozitive në marrëdhënien e tij me familjen, por pa sukses, ai është frustruar thellësisht”, komentoi burimi.
Nicola Peltz, sipas të njëjtës dëshmi, ishte përpjekur të mbante një marrëdhënie pozitive dhe të ngushtë me David dhe Victoria Beckham, por zhvillimet e fundit duket se i kanë ndaluar përgjithmonë këto përpjekje.
