'Nuk mund ta imagjinoj jetën me dikë tjetër'/ Lady Gaga flet për të fejuarin e saj Michael Polanski: Është shoku im më i mirë

SHBA- Lady Gaga ka folur për marrëdhënien e saj me Michael Polanski, duke shpjeguar se nuk la vend për keqinterpretime në lidhje me qëllimet e saj kur e takoi atë. Këngëtarja 38-vjeçare, e cila u fejua me Polanski në vitin 2024, zbuloi se që në takimin e tyre të parë e kishte të qartë se çfarë donte.

Në një intervistë për Good Morning America, Lady Gaga përshkroi se si e ngriti temën e martesës dhe fëmijëve që në fillim. 

“Doja martesën dhe fëmijët më shumë se çdo gjë tjetër. Michael fluturoi për në Las Vegas për të më parë kur isha duke bërë shfaqjen time, që të mund të shkonim në takimin tonë të parë. Dhe para se të uleshim, i thashë; 'a do martesë dhe fëmijë?' dhe ai mu përgjigj; 'po, dua, e pastaj i thashë; 'mirë, a do pak shampanjë?' dhe ai m'u përgjigj; sigurisht," tha ajo. 

Duke folur për të fejuarin e saj, Lady Gaga nuk e fshehu emocionin: Ai e do gjithçka tek unë. Unë mësoj shumë prej tij. Ai është kaq mbështetës. Ai ka një zemër tepër të sjellshme. Ai është shoku im më i mirë. Të kesh një marrëdhënie me mikun tënd më të mirë është një bekim i madh. Sinqerisht, nuk mund ta imagjinoj jetën time me dikë tjetër. Ne bëjmë shumë bashkë. Ai më përfshin edhe mua në botën e tij profesionale. Ai është shumë kreativ. Ai luan kitarë, ai është një muzikant i mrekullueshëm vetë. Marrëdhënia jonë ka një element të fortë krijimtarie. Albumi im i ri quhet “Mayhem”, por është bukur të jesh në këtë kaos me dikë tjetër.

Mirëpo, për përgatitjet e dasmës së tyre, Lady Gaga nuk ka treguar asnjë detaj dhe thjesht ka thënë me shaka: Po ecim përpara, po ecim përpara.

lady gaga