Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
SOCIALE
"Nxitje e një spektakli provokues poshtërimi"/ Aktori David Harbor shmang thashethemet për ndarje nga gruaja e tij, Lily Allen
m.lPërditësimi i fundit 23 Prill 2025, 18:50
SHBA- David Harbor shmangu në mënyrë diskrete komentimin e thashethemeve për një ndarje nga gruaja e tij, Lily Allen, gjatë një interviste. Duke folur për GQ Hype, ylli i “Stranger Things”, jeta personale e të cilit ka qenë në qendër të vëmendjes që nga dhjetori i 2024-ës, nuk e fshehu acarimin e tij kur gazetarja Hayley Campbell e pyeti për statusin e marrëdhënies së tij me këngëtaren.
“Oh, o Zot”, u përgjigj ai fillimisht, me një siklet të dukshëm. Aktori 50-vjeçar, i cili nuk kishte komentuar më parë mbi spekulimet për përfundimin e martesës së tyre katërvjeçare, tha se ai është veçanërisht mbrojtës ndaj njerëzve dhe realitetit të jetës së tij. Edhe pse ai i minimizoi raportet, duke i përshkruar ato si ekzagjerime histerike të tabloideve, ai nuk e mohoi ndarjen.
"Nuk ka kuptim të shqetësohesh për këto gjëra. E gjitha bazohet në ekzagjerim dhe provokim," tha ai, duke shpjeguar se nuk dëshiron të nxisë një spektakël provokues poshtërimi.
Deklaratat e David Harbour erdhën dy muaj pasi People raportoi se ai dhe Lily Allen, e cila u martua në Las Vegas në vitin 2020, tashmë ishin ndarë. Sipas njerëzve të afërt të tyre, martesa e tyre kishte "kolapsuar" prej disa kohësh përpara se të merrnin vendimin përfundimtar për të ecur ndaras.
Lily Allen fillimisht la të kuptohet për problemet martesore në podcast-in e saj "Miss Me?", duke thënë në një episod në janar: Ndjehem sikur po ndahem. Nuk më intereson asgjë. Nuk jam aspak mirë.
Menjëherë pas kësaj, ajo u shtrua në një qendër trajtimi luksoz për njerëzit që merren me trauma mendore, me një kosto prej 0 dollarësh për një muaj pune intensive mendore: Jam mirënjohëse që më është dhënë koha dhe hapësira që më duhej. Unë bëra shumë terapi grupore dhe individuale.
Gjatë kohës së Lily Allen në qendër, David Harbour mori pjesë në Critics' Choice Awards dhe përvjetorin e "Saturday Night Live 50" pa unazën e tij të martesës, dhe gjithashtu u pa në daljet publike me modelen Ellie Beers Fallon. Sipas burimeve të DailyMail, çifti është zyrtarisht së bashku që nga mesi i shkurtit, ndërsa përflitet se ata janë takuar vitin e kaluar dhe kanë kaluar Vitin e Ri së bashku në një udhëtim në Indi.
Njerëzit e afërt me Lily Allen thonë se këngëtarja është shumë e mërzitur për lidhjen e re të David Harbour dhe beson se ka pasur kontakt mes tyre përpara ndarjes së tyre. Megjithatë, ata thonë se pas trajtimit të saj ajo ndihet shumë më mirë dhe është e bindur se problemet e Harbor nuk kanë më të bëjnë me të.
