Përçarje dhe tensione në familjen Beckham/ Ylli i njohur, David Beckham refuzon kërkesën e djalit të tij për ta takuar privatisht në ditëlidjen e tij të 50-të

SHBA- David Beckham thuhet se ka refuzuar një ftesë nga djali i tij, Brooklyn, dhe gruaja e tij, Nicola Peltz, për ta takuar atë privatisht për ditëlindjen e tij të 50-të, me raportime që sugjerojnë tensione brenda familjes Beckham. Kujtojmë se disa javë më parë, raportet flisnin për një përçarje midis Brooklyn dhe Romeo Beckham, që dyshohet se lidhej me marrëdhënien e këtij të fundit me Kim Turnbull.

Për më tepër, në mars, djali i madh i ish-futbollistit dhe Nicola Peltz munguan në sfilatën e modës të Victoria Beckham në Paris, në të cilën morën pjesë Romeo dhe partnerja e tij.  Burime me njohuri për situatën i thanë TMZ se  Brooklyn Beckham dhe gruaja e tij  udhëtuan për në Londër javën e kaluar me qëllimin e vetëm për të festuar me David Beckham.

Çifti thuhet se ka kontaktuar familjen, duke kërkuar të takohen privatisht para ngjarjeve të planifikuara. Megjithatë, pjesa tjetër e familjes nuk e priti me sy të mirë kërkesën e tyre. Sipas të njëjtave burime, atyre u është thënë se ose do të shfaqen në festimet kryesore ose nuk do të kenë asnjë mundësi ta shohin familjen. Çifti në fund zgjodhi thjesht t’i dërgonte urimet e tyre David Beckham, ndërkohë që nuk mori pjesë në festën e tij.

Mungesa e Brooklyn Beckham dhe Nicola Peltz në festë u pasqyrua edhe në fotot që Victoria Beckham postoi në llogarinë e saj në Instagram gjatë fundjavës. Stilistja 51-vjeçare e modës dhe ish-anëtarja e Spice Girls shkroi: Po krijojmë kujtime të veçanta me familjen dhe miqtë. Ju duam të gjithëve.

Pamjet nga mbrëmja tregojnë pjesën tjetër të fëmijëve të familjes Beckham, Romeo, Cruz dhe Harper. Të pranishme ishin edhe partneret e dy djemve të Beckham, Kim Turnbull dhe Jackie Apostel.