Burime mediatike se asnjë nga tre të plagosurit nuk ka qenë objektiv i atentatit mbrëmë në Elbasan, por një person tjet&e...
SOCIALE
"Po shijojnë momentet e para me vajzën"/ Megan Fox dhe ish-partneri i saj kanë vendosur prioritet vajzën e tyre, pavarësisht se janë të ndarë
m.lPërditësimi i fundit 2 Prill 2025, 13:38
SHBA- Edhe pse Megan Fox ka vendosur t'i japë fund lidhjes së saj me Machine Gun Kelly, të dy kanë çdo qëllim që të punojnë së bashku për të rritur në mënyrë harmonike vajzën e tyre. Ylli i "Transformers" dhe reperi mirëpritën vajzën e tyre të enjten, më 27 mars, me një burim që zbuloi për Page Six se, ndonëse ata nuk jetojnë së bashku, Fox po lejon që ish-partneri i saj të qëndrojë me të në mënyrë që ai të kalojë sa më shumë kohë me fëmijën.
“Ish-çifti ende nuk ka vendosur një plan specifik të kujdestarisë së përbashkët. Gjithçka që duan tani është të festojnë lindjen dhe të shijojnë momentet e para me vajzën e tyre”, tha i njëjti burim, duke shtuar se Mashin Gan Kelly ishte në dhomën e lindjes kur vajza e tyre lindi.
Lajmin e lumtur e ka bërë të ditur reperi përmes një postimi në Instagram.
"Më në fund, Fara jonë e vogël Qiellore erdhi," shkroi ai.
Disa fansa kishin supozuar në atë kohë se "Fara Qiellore" ishte emri i foshnjës. Megjithatë, të hënën, më 31 mars, ai adresoi konfuzionin e shkaktuar nga postimi i tij fillestar në një Instagram Story.
"Djema, prisni... ata nuk e quajnë atë "Fara Qiellore," shkroi ai në një klip të TikTok, në të cilin një përdorues i referohej foshnjës me atë emër.
"Mamaja e saj do t'ju tregojë emrin kur të jemi gati," kishte sqaruar ai.
