Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
SOCIALE
"Shkolla private... qesharake e të shtrenjta"/ Hugh Grant deklaron se është kundër ekspozimit të fëmijëve ndaj ekraneve: Kjo është gjëja e fundit që ata kanë nevojë
m.lPërditësimi i fundit 28 Prill 2025, 14:35
SHBA- Hugh Grant duket se ka arritur limitet e tij përsa i përket ekspozimit të vazhdueshëm të fëmijëve të tij ndaj ekraneve, si në shtëpi ashtu edhe në shkollë, siç ka treguar së fundmi në një event që mori pjesë në Londër. Aktori 64-vjeçar dhe baba i pesë fëmijëve tha se ai është një prind tjetër i tërbuar që lufton betejën e përjetshme, rraskapitëse dhe dëshpëruese me fëmijët që duan të jenë vetëm para ekranit.
Gjatë një aktiviteti të lëvizjes "Close Screens Open Minds", mbajtur në shkollën Knightsbridge, Hugh Grant shprehu zhgënjimin e tij me të ashtuquajturat "shkolla private qesharake të shtrenjta" ku ndjekin fëmijët e tij, të cilat, siç tha ai, kufizojnë kohën e fëmijëve jashtë, me justifikime qesharake si shiu apo era.
"Është qesharake. Më duket se ka vend për një shkollë ‘heroike’ që do ta thyejë këtë model”, ka theksuar ai, përcjell Telegrafi. Pika e fundit për të ishte njoftimi i shkollës se po siguronte pajisje Chromebook për të gjithë fëmijët, me qëllim që të kryenin mësimet dhe detyrat e tyre ekskluzivisht përmes ekraneve.
"Kjo është gjëja e fundit që ata kanë nevojë dhe gjëja e fundit që na duhet ne si prindër," deklaroi ai i zemëruar.
Në të njëjtën ngjarje mori pjesë edhe autori amerikan dhe psikologu social Dr. Jonathan Hyde, si dhe kushërira e mbretit Charles III, Sophie Winkleman, të cilët u shprehën kundër përdorimit të telefonave inteligjentë nga studentët nën moshën 14 vjeç. Dr. Hugh Grant, i cili ka tre fëmijë me gruan e tij, Anna Eberstein, tha se ishte koha që prindërit të ngrinin zërin kolektivisht.
“Kur ka një masë të madhe prindërish që janë të indinjuar nga teknologjia arsimore, atëherë politikanët fillojnë të dëgjojnë, sepse kanë frikë. Dhe më pas shkollat fillojnë të dëgjojnë sepse kanë frikë se do të humbasin nxënës dhe para," tha ai.
Pavarësisht përpjekjeve të tij sistematike për ta mbajtur jetën e tij familjare larg vëmendjes, Hugh Grant ka komentuar me humor prindërimin në intervista të ndryshme që ka dhënë. Vitin e kaluar, ai pranoi për People se ishte shumë i vjetër për të pasur kaq shumë fëmijë të vegjël dhe se nuk po kalonte aspak kohë të mirë. Në emisionin e Kelly Clarkson, ai bëri shaka se fshihet në tualet për të pasur pak qetësi dhe përfundon duke fjetur atje.
