I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
SOCIALE
U padit për abuzim seksual/ P Diddy thyen heshtjen nga burgu: Akuzat janë kategorikisht të rreme
E.DPërditësimi i fundit 3 Tetor 2024, 14:59
Diddy Combs
SHBA-Themeluesi i ‘Bad Boy Records’, Diddy Combs ka kundërshtuar akuzat e fundit për abuzimit seksual duke u shprehur se janë kategorikisht të rreme dhe ka mohuar të gjitha akuzat. Reperi 54-vjeçar po përballet me telasheve të reja ligjore pasi avokati Tony Buzbee tha se 120 persona po planifikojnë të padisin Diddy-n.
Buzbee, i cili drejton proceset gjyqësore, tha se individët e përfshirë pretendojnë se Diddy i ka shfrytëzuar dhe abuzuar seksualisht me ta. Diddy është aktualisht në pritje të gjyqit në Qendrën e Paraburgimit Metropolitane të Bruklinit, pasi ai përballet me akuzat për trafikim seksual dhe shantazh. Gjithashtu ai është deklaruar i pafajshëm për të gjitha akuzat kundër tij dhe ka lëshuar një deklaratë mbi akuzat e fundit të padisë përmes avokates së tij, Erica Wolff.
“Siç ka theksuar ekipi ligjor i z. Combs, ai nuk mund të adresojë çdo akuzë të pameritë në atë që është kthyer në një cirk të pamatur mediatik. Thënë kështu, z. Combs në mënyrë prerazi dhe kategorike mohon si të rreme dhe shpifëse çdo pretendim që ai abuzoi seksualisht me këdo, përfshirë të miturit. Ai mezi pret të provojë pafajësinë e tij dhe të shfajësohet në gjykatë, ku e vërteta do të vërtetohet bazuar në prova, jo në spekulime," tha ai.
Nga 120 individë që përgatiteshin për të paditur Diddy, 25 ishin të mitur në kohën e abuzimit të supozuar. Buzbee tha se ka në plan të ngrejë padi kundër Diddy gjatë 30 ditëve të ardhshme. Avokati tha se paditë vijnë nga burra dhe gra, të cilët ishin të moshës nga 9 deri në 38 vjeç kur ndodhën incidentet e supozuara. Abuzimi i supozuar thuhet se ka ndodhur gjatë një periudhe 20-vjeçare në vitet 2000 dhe 2010.
“Kjo është një çështje e rëndësishme që ne synojmë ta ndjekim në mënyrë agresive. Ne nuk do të lëmë gur pa lëvizur për të gjetur të gjitha palët potencialisht përgjegjëse, për të përfshirë çdo individ ose ent që ka marrë pjesë ose ka përfituar nga kjo sjellje skandaloze," tha Buzbee.
